វាពិតជាភព្វសំណាងដ៏កម្រ ដែលកាមេរ៉ាថតក្រោយពីធ្លាក់ចុះត្រូវចរន្តកម្អែរភ្នំភ្លើងគួចយកទៅ ហើយពេលរកឃើញវិញនោះ ម្ចាស់របស់វាបានទទួលនូវ Clip ដែលវា «ស្វ័យថត» ដ៏អស្ចារ្យមួយ ។
Eric Storm ជាអ្នកងប់ងល់នឹងដំណើរផ្សងគ្រោះថ្នាក់ បានធ្វើដំណើរទៅកាន់កំពូលភ្នំភ្លើងមួយនៅហាវ៉ៃ អាមេរិក ដើម្បីស្រាវជ្រាវនៅឆ្នាំ២០១៦ ។ នាទីនោះ លោកបានប្រើកាមេរ៉ាភ្ជាប់លើខ្លួនបំណងផ្តិតយកខណៈពេលដ៏អស្ចារ្យ គ្រាកម្អែរភ្នំភ្លើងខ្ជាក់ចេញពីមាត់របស់វា ។
ចៃដន្យ អំឡុងពេលកំពុងថត កាមេរ៉ារបស់លោកបានធ្លាក់ចុះទៅជ្រលងភ្នំមួយ ហើយបន្ទាប់មកវាត្រូវខ្សែកម្អែរភ្លើងលេបត្របាក់បាត់ ។ Erik នឹកស្មានថា កាមេរ៉ានេះនឹងឆេះខ្លោចអស់ តែស្មានពុំដល់ថាពេលលោកបំបែកកំណកខាងក្រៅចេញ នោះកាមេរ៉នៅអាច… ប្រើប្រាស់បាន ។
ភព្វសំណាងដ៏កម្រនេះធ្វើឲ្យ Erik ទទួលបាននូវទិដ្ឋភាពដ៏មានតម្លៃ ពីអំឡុងពេលមុនកាមេរ៉ាត្រូវ «លេប» ។ លោកពោលថា «កាមេរ៉ារបស់ខ្ញុំត្រូវកម្អែរភ្នំភ្លើងលេបយកបាត់! ។ ក្រោយមក ខ្ញុំរកឃើញ ហើយប្រញញួរសំរាប់អ្នកភូកូព្ភសាស្ត្រមកបំបែកកំណកជាប់ខាងក្រៅ ដើម្បីទាញយកកាមេរ៉ាចេញ ។ ស្មានពុំដល់សោះថា កាមេរ៉ានេះនៅអាចប្រើប្រាស់បានទៀត!» ។
ទោះបីលោកថតវា តាំងពីឆ្នាំ២០១៦ ប៉ុន្តែ ទើបបង្ហោះផ្សាយអំឡុងពេលថ្មីៗនេះប៉ុណ្ណោះ ហើយទទួលបានការចូលទស្សនាដ៏ច្រើន ។
Erik ពោលថាៈ វាពិតជារឿងអច្ឆរិយៈ ដោយសារវាទ្រាំទ្រកម្តៅបានខ្លាំងបែបនេះនោះ! ៕
Our lead guide, Erik, finds the best flows on #Kilauea volcano! Contact us today to book your private #LavaHike #Ironmanhawaii #ironman #HI pic.twitter.com/KKjzpKyCtf
— Kīlauea EcoGuides (@KilaueaEcoGuide) October 21, 2017
