ប៉ូលិសហ្វីលីពីននៅថ្ងៃទី៣ខែ កក្កដា បានឱ្យដឹងថា ខ្មាន់កាំភ្លើងម្នាក់ជិះលើទោចក្រយានយន្ដបានបាញ់សម្លាប់លោក Ferdinand Bote ដែលជាអភិបាលប្រជុំជនGeneral Tinio ស្ថិតនៅភាគខាងជើងរដ្ឋធានីម៉ានីលរបស់ហ្វីលីពីន។
តាម AFP នេះជាករណីធ្វើឃាតលើកទី២ហើយក្នុងរង្វង់ពីរថ្ងៃកន្លងមកដែលសំដៅលើមន្ដ្រីរដ្ឋការហ្វីលីពីន។
Bote បានក្លាយជាមន្ដ្រីទី១២ដែលត្រូវបានសម្លាប់គិតចាប់តាំងពីប្រធានាធិបតីហ្វីលីពីន Rodrigo Duterte ចាប់ផ្ដើមបើកយុទ្ធនាការប្រឆាំងគ្រឿងញៀនមុននេះ២ឆ្នាំ។
ហេតុការណ៍ត្រូវបានរាយការណ៍ថា Bote និងអ្នកបើកបររថយន្ដទើបចាកចេញពីការិយាល័យបស់ខ្លួននៅប្រជុំជនGeneral Tinio ក៏ត្រូវខ្មាន់កាំភ្លើងប្រើប្រាស់អាវុធខ្លីបាញ់ជាច្រើនគ្រាប់ ធ្វើឱ្យលោកស្លាប់នៅនឹងកន្លែង។ប៉ូសិសបានរកឃើញសម្រកគ្រាប់១៨នៅកន្លែងកើតហេតុ។
អ្នកនាំពាក្យវិមានប្រធានាធិបតីហ្វីលីពី បានប្រកកាសថា ក្រុងម៉ានីលនឹងប្រើប្រាស់គ្រប់វិធានការចាប់ជនល្មើសឱ្យមកទទួសខុសត្រូវចំពោះទង្វើរបស់វា៕
សូយន