តាមអេភី ចិនឱ្យដឹងថា ប្រទេសខ្លួនបានត្រៀមបម្រុងយ៉ាងគ្រប់គ្រាន់សម្រាប់សង្គ្រាមពាណិជ្ជកម្មជាមួយអាមេរិកប្រសិនបើសង្គ្រាមនេះពិតជាផ្ទុះឡើងនៅថ្ងៃទី៦កក្កដាខាងមុខ។
ផលិតផលដែកថែបសន្លឹកនៅរោងចក្រមួយនាខេត្តសានតុងប្រទេសចិន
នៅថ្ងៃទី៣កក្កដានេះ ក្រសួងការបរទេសចិនឱ្យដឹងថា ក្រុងប៉េកាំងបាន«ត្រៀមបម្រុងយ៉ាងគ្រប់គ្រាន់នូវកញ្ចប់វិធានការចាំបាច់ទាំងឡាយសម្រាប់ការពារផលប្រយោជន៍ជាតិ»។
មកទល់ពេលនេះ ពិបាកនឹងមានដំណោះស្រាយមួយចំពោះខឿនសេដ្ឋកិច្ចពិភពលោកពីរនេះ គ្រាដែលក្រុងវ៉ាស៊ីនតោននៅសប្ដាហ៍នេះបានចាប់ផ្ដើមវាយពន្ធទៅលើផលិតផលនាំចូលពីប្រទេសចិនដែលមានតម្លៃ៣៤ពាន់លានដុល្លារ ។តាមនោះក្រុងប៉េកាំងក៏នឹងធ្វើការវាយពន្ធលើទំនិញដែលមានតម្លៃប្រហាក់ប្រហែល៣៤ពាន់លានដុលា្លរលើមុខទំនិញអាមេរិក។
បណ្ដាក្រុមហ៊ុនអាមេរិក តាំងពីផលិតករស្រាវីស្គី រថយន្ដ ដូចជា FORD TESLA អាចរងព្រនង់ខ្លាំងក្លាមួយដែលចិនសំពងតបត៕
សូយន