Sputniknews ចុះផ្សាយព័ត៌មានឱ្យដឹងថា ឯកអគ្គរដ្ឋទូតអូទ្រីស Johannes Eigner នៅថ្ងៃ៣ខែកក្កដា ឱ្យដឹងថា សន្និសីទកំពូលរវាង Vladimir Putin និងសមភាគីអាមេរិកDonald Trump ប្រព្រឹត្តទៅនៅហ្វាំងឡង់ ជាសមាជិកសហគមន៍អឺរ៉ុបមានអត្ថន័យយ៉ាងសំខាន់។
ប្រធានាធិបតី រុស៊្សី Vladimir Putin និងប្រធានាធិបតីអាមេរិក Donald Trump
ថ្លែងទៅកាន់អ្នកសារព័ត៌មាន ឆ្លើបតបនឹងសំណួរថា តើអូទ្រីសមានសោកស្ដាយទេ ខណៈពេលដែលមហាអំណាចទាំងពីរបានជ្រើសយកHelsinki ដែលជារដ្ឋធានីរបស់ហ្វាំងឡង់ជំនួសឱ្យទីក្រុងVienna របស់អូទ្រីសដើម្បីដំណើរការជំនួបកំពូល។ លោកឯកអគ្គរដ្ឋទូតរូបនេះលើកឡើងថាៈ «ប្រការសំខាន់បំផុតគឺសន្នីសីទកំពូលនេះនឹងប្រព្រឹត្តទៅក្នុងដែនដីរបស់់សហគមន៍អឺរ៉ុប។ប្រការនេះបង្កប់នូវអត្ថន័យស៊ីជម្រៅ។
លោកJohannes Eigner កត់សម្គាល់ថា ទ្វីបអឺរ៉ុបសង្ឃឹមបានឃើញលទ្ធផលជាក់ស្ដែងមួយចំនួននិងការអភិវឌ្ឍក្នុងទំនាក់ទំនងអាមេរិក-រុស្ស៊ីដើម្បី«ផលប្រយោជន៍ទ្វីបអឺរ៉ុប»៕
សូយន