ភ្នំពេញ ៖ រដ្ឋបាលរាជធានីភ្នំពេញ បានចេញសេចក្តីជូនដំណឹងស្តីពីការជ្រើសរើសបុគ្គលិកបើកបររថយន្តក្រុង ចូលបម្រើការងារនៅរដ្ឋាករស្វយ័តដឹកជញ្ជូនសាធារណរថយន្តក្រុង រាជធានីភ្នំពេញ។
រដ្ឋបាលរាជធានី បានប្រកាសជ្រើសរើស បុគ្គលិកបើកបររថយន្តក្រុង ឲ្យចូលបម្រើការងារនៅរដ្ឋាករស្វយ័ត ដឹកជញ្ជូនសាធារណៈរថយន្តក្រុង នៅរាជធានីភ្នំពេញចំនួន៤៣នាក់។ នេះបើយោងតាម សេចក្តីជូនដំណឹងរបស់ រដ្ឋបាលរាជធានីភ្នំពេញ នៅរសៀលថ្ងៃទី៣ ខែកក្កដា ឆ្នាំ២០១៨នេះ។
តាមសេចក្តីជូនដំណឹង រដ្ឋបាលរាជធានីភ្នំពេញ សូមជម្រាបជូនដំណឹង ដល់សាធារណជនទាំងអស់ មេត្តាជ្រាបថា ដើម្បីឆ្លើយតបតាមសំណើសំណូមពរ និងតម្រូវការរបស់ប្រជាពលរដ្ឋ លើការបម្រើសេវាដឹកជញ្ជូនសាធារណៈតាមរថយន្តក្រុង រដ្ឋបាលរាជធានីភ្នំពេញ ក្រោមកិច្ចសហប្រតិបត្តិការ ជំនួយបច្ចេកទេសពីទីភ្នាក់ងារ សហប្រតិបត្តិការអន្តរជាតិជប៉ុន (JICA) ធ្វើការជ្រើសរើសបុគ្គលិកបើកបរ រថយន្តក្រុងចំនួន ៤៣នាក់។ បេក្ខជនត្រូវមានសញ្ជាតិខ្មែរ អាយុចាប់ពី២៥ឆ្នាំ ដល់៥០ឆ្នាំ មានសុខភាពល្អ កាយសម្បទានមាំមួន មានការយកចិត្តទុកដាក់ និងទទួលខុសត្រូវខ្ពស់ក្នុងការងារ មានបណ្ណបើកបរ (ឃ២) មានបទពិសោធន៍ការងារយ៉ាងតិច ២ឆ្នាំ មានអត្តចរិតស្លូតបូត និងមិនសេពគ្រឿងស្រវឹង ឬសារធាតុញៀនជាដើម។
បេក្ខជនដែលមានបំណង ចូលបម្រើការងារខាងលើ សូមធ្វើការទំនាក់ទំនង ដាក់ពាក្យរៀងរាល់ម៉ោងធ្វើការ ចាប់ពីថ្ងៃផ្សាយដំណឹងនេះតទៅ នៅស្នាក់ការរដ្ឋាករស្វយ័ត ដឹកជញ្ជូនសាធារណៈរថយន្តក្រុង ផ្លូវជាតិលេខ៦ សង្កាត់ព្រែកលៀប ខណ្ឌជ្រោយចង្វា រាជ ធានីភ្នំពេញ ក្នុងបរិវេណ នៃមន្ទីរសាធារណការ និងដឹកជញ្ជូនរាជធានីភ្នំពេញ ៕ ដោយ៖កូឡាប