ចាប់តាំងពីប្រឡូកក្នុងសិល្បៈកំប្លែង និង សម្ដែងមក អ្នកនាង អ៊ីត ដែលជាប្អូនស្រីបង្កើតរបស់នាយ ក្រូច កាន់តែមានសម្រស់ស្រស់ស្អាត មិនចេញតារាវ័យក្មេងដទៃទៀតឡើយ ។ គេសង្កេតឃើញថា ពីមួយថ្ងៃទៅមួយថ្ងៃអ្នកមេម៉ាយយេៗរូបនេះ កាន់តែទទួលបានភាពល្បីល្បាញ និង សម្រស់ស្អាត ដែលធ្វើឱ្យទស្សនិកជនជាច្រើនឆ្ងល់ថា តើមកទល់ពេលនេះ អ្នកនាង អ៊ីត សំឡឹងឃើញបុរសណាម្នាក់ ធ្វើជាដៃគូជីវិតហើយឬនៅ ខណៈដែលការលែងលះរបស់អ្នកនាង ជាមួយអតីតប្ដីជាគ្រូបង្រៀន ក៏ដាច់ស្រឡះគ្នាយូរណាស់មកហើយ ។
ជាមួយគ្នានេះដែរ កាលពីពេលថ្មី តារាកំប្លែងសាច់សខ្ចីខាងលើ ក៏បានប្រាប់ឱ្យដឹងថា មកទល់ពេលនេះអ្នកនាងពុំទាន់រឿងគូស្រករថ្មីឡើយ ប៉ុន្តែសម្រាប់មនុស្សប្រុសស្រឡាញ់ គឺមានច្រើនណាស់ ។ តារាស្រីដដែលបានបន្តថា ទោះជាមានមនុស្សប្រុសជាច្រើនស្ម័គ្រកាយស្រឡាញ់អ្នកមេម៉ាយដូចអ្នកនាងយ៉ាងណាក្ដី ក៏អ្នកនាង មិនចាប់អារម្មណ៍ដែរ ព្រោះខ្លាចពួកគេមិនស្មោះស្នេហា មិនស្រឡាញ់គ្រួសារ របស់អ្នកនាងជាដើម ។
គួរបញ្ជាក់ថា បច្ចុប្បន្នអ្នកនាង អ៊ីត និអតីតប្ដីដែលជាគ្រូបង្រៀននៅឯស្រុកកំណើតខេត្តកំពង់ស្ពឺ បានលែងលះគ្នាដាច់ស្រឡះហើយ ក្នុងហេតុផលរស់នៅមិនចុះសម្រុងគ្នា ៕ សាវុធ