កសិករជាង ៤០ នាក់ នៅក្នុងខេត្តឈាងរ៉ៃ នៅថ្ងៃពុធនេះ បានចុះបញ្ជីជាមួយអាជ្ញាធរ ដើម្បីទទួលបានប្រាក់សំណងជាបឋម សម្រាប់ដីស្រែរបស់ពួកគេដែលត្រូវបានលិចលង់ ដោយសារតែការបូមបញ្ចេញទឹកជំនន់ទឹកភ្លៀង ពីរូងភ្នំ Tham Luang ដើម្បីជួយសង្គ្រោះក្មេងៗ និងគ្រូបង្វឹកបាល់ទាត់ទាំង១៣នាក់ ដែលត្រូវជាប់គាំងនៅក្នុងនោះ ។
កសិករចំនួន ៤១ នាក់ មកពី tambon Ban Dai ក្នុងស្រុក Mae Sai បានឃើញនឹងដីស្រែរបស់ពួកគេសរុប ៥៤៨ rai (ស្មើនឹង ៨៨ ហិកតា) បានរងផលប៉ះពាល់ដោយជនលិចលង់ទាំងអស់ ។ រួមជាមួយកសិករជិតខាងនៅក្នុងអនុស្រុក២ផ្សេងទៀត ពួកគេបានយល់ព្រមចំពោះវិធានការនេះ ដើម្បីជួយសង្គ្រោះក្មេងបាល់ទាត់ជាប់គាំងទាំង១៣នាក់ ។ ប្រតិបត្តិការបង្ហូរទឹកចេញពីរូងភ្នំ Tham Luang នេះ បានបង្កឲ្យជន់លិចរួចទៅហើយ នៅតំបន់វាលទំនាបជាច្រើន ។
យោងតាមការពិនិត្យមើលបឋម របស់អាជ្ញាធរ នោះកសិករចំនួន ១០១ នាក់ បានទទួលរងផលប៉ះពាល់ ដោយប្រតិបត្តិការបង្ហូរទឹកនេះ ទៅលើដីស្រែ ៨.៣៩% ឬ ១,៣៩៧ rai (ស្មើនឹង ២៤០ ហិចតា) នៅក្នុងតំបន់៣នៃស្រុក Mae Sai ដែលបានលិចលង់រួចទៅហើយ ៕ ឧត្តម
