អតីតសមាជិកគណៈកម្មាធិការអង្គការសហប្រជាជាតិទទួលបន្ទុកសិទ្ធិកុមារ បាននិយាយកាលពីម្សិលមិញថា អាពាហ៍ពិពាហ៍របស់បុរសម៉ាឡេស៊ី ទៅនឹងក្មេងស្រីថៃអាយុ ១១ ឆ្នាំ នៅក្នុងខេត្ត Narathiwat បានរំលោភបំពានយ៉ាងច្បាស់នូវច្បាប់ថៃជាច្រើន ។
លោក Sanphasit Koompraphant បានជំរុញឱ្យប៉ូលីសនៃប្រទេសទាំងពីរ ចាត់វិធានការផ្លូវច្បាប់ប្រឆាំងនឹងបុរសម៉ាឡេស៊ីអាយុ ៤១ ឆ្នាំ រូបនេះជាបន្ទាន់ ។
លោកកំពុងគេឆ្លើយតបទៅនឹងរបាយការណ៍ថា បុរសជនជាតិម៉ាឡេស៊ីបានឆ្លងកាត់ព្រំដែនពី Gua Musang នៅក្នុង Kelantan ប្រទេសម៉ាឡេស៊ី ទៅកាន់ស្រុក Sungai Kolok ខេត្ត Narathiwat ក្នុងប្រទេសថៃ ដើម្បីរៀបអាពាហ៍ពិពាហ៍ជាមួយក្មេងស្រីថៃ ។
បុរសរូបនេះដែលឈ្មោះរបស់គាត់មិនត្រូវបានបញ្ចេញ មានភរិយា២នាក់ និងកូន ៦ នាក់ រួចទៅហើយៗ ក៏ត្រូវបានគេនិយាយថាជាសង្ឃចាមនៅក្នុងភូមិមួយនៅទីនោះ ។
កូនៗរបស់គាត់ត្រូវបានគេនិយាយថាមានអាយុចន្លោះពី ៥ ទៅ ១៨ ឆ្នាំ អស់ទៅហើយៗ ម្នាក់ក្នុងចំណោមពួកគេ គឺសូម្បីជាមិត្តភក្តិជាមួយក្មេងស្រី (ប្រពន្ធទី៣) ម្នាក់នេះទៀតផង ។ កូនក្រមុំវ័យក្មេងនេះមិនធ្លាប់ទៅសាលារៀនទេ ។ ករណីនេះត្រូវបានគេរាយការណ៍ថា គាត់បានកេងប្រវ័ញ្ច ឬ កលល្បិចជញ្ជក់ផលប្រយោជន៍ នៅក្នុងច្បាប់ថៃ ព្រោះវាជារឿងខុសច្បាប់ក្នុងការរៀបអាពាហ៍ពិពាហ៍ជាមួយក្មេងមិនទាន់គ្រប់អាយុ នៅក្នុងប្រទេសម៉ាឡេស៊ី ។
The Star បានរាយការណ៍ថា ឪពុកម្តាយបានយល់ស្រប ចំពោះអាពាហ៍ពិពាហ៍នេះ ប៉ុន្តែ បានដាក់លក្ខខណ្ឌថា កូនស្រីរបស់ពួកគេនឹងត្រូវបានអនុញ្ញាតឱ្យរស់នៅជាមួយប្តីនៅពេលនាងមានអាយុ ១៦ ឆ្នាំ ។
រឿងក្តីនេះបានក្លាយជាប្រធានបទដ៏ក្តៅគគុកមួយនៅក្នុងប្រទេសម៉ាឡេស៊ី នៅពេលដែលប្រពន្ធទី២របស់បុរសរូបនេះ បានបង្ហោះរូបថតរបស់គាត់ និងក្មេងស្រីម្នាក់ និងក្នុងពិធីព្រមព្រៀងផ្លូវការរបស់ពួកគេដែលត្រូវបានចោទប្រកាន់ ។
លោក Sanphasit បាននិយាយថា បុរសនេះនឹងបានប្រព្រឹត្តបទល្មើសព្រហ្មទណ្ឌ ប្រសិនបើគាត់មានទំនាក់ទំនងផ្លូវភេទជាមួយក្មេងអាយុក្រោម ១៣ ទៅ ១៥ ឆ្នាំ ។ លោកបានមានប្រសាសន៍ថា «ទង្វើនេះរំលោភលើច្បាប់ហើយ ព្រោះគាត់នឹងត្រូវគេចាត់ទុកថារំលោភក្មេងអាយុក្រោម ១៣ ឆ្នាំ មិនថាមាន ឬ មិនមានការយល់ព្រមពីកុមារ» ។
បើតាមច្បាប់ផ្តន្ទាទោស នោះបុរសរូបនេះនឹងប្រឈមជាប់ពន្ធនាគារជាង ១០ឆ្នាំ ៕ ឧត្តម