David Tesinsky ដើម្បីឆ្មក់បានរូបភាពទាំងនេះ គាត់ត្រូវឆ្លងគ្រោះថ្នាក់ទាំងនេះ ដើម្បីផ្តិតយករូបភាពបានពិតៗអំពីរបៀបបណ្តេញព្រាយបិសាចតែមួយគ្មានពីរខាងក្រោមនេះ ។
អ្នកឯកទេសថតរូបម្នាក់នេះ បានប្រឹងប្រែងបញ្ចុះបញ្ចូលពលរដ្ឋក្នុងតំបន់ទម្រាំទទួលបានការយល់ព្រមឲ្យគាត់ថតនូវហេតុការណ៍សាសនាចម្លែកមួយ ប្រព្រឹត្តទៅនាព្រះវិហារ Yerer Selassie ស្ថិតនៅពុំឆ្ងាយប៉ុន្មានពីរដ្ឋធានី Addis Ababa របស់ប្រទេស Ethiopia ។
មនុស្សម្នាកំពុងតម្រង់ជួរនៅមុខព្រះវិហារ Yerer Selassie មានមនុស្សប្រមាណ ១៥០នាក់ កំពុងព្យាយាមតម្រៀបជួររង់ចាំឲ្យបុព្វជិតល្បីល្បាញបំផុតនៅអេត្យូពី ឈ្មោះ Memehir Girma Wedimu ដើម្បីបណ្តេញខ្មោចព្រាយបិសាចចេញពីខ្លួន។
ស្ត្រីម្នាក់បានស្រែកយ៉ាងខ្លាំងពេលត្រូវបុរសពីរនាក់ ចាប់មិនឲ្យរើសបម្រាស់ដើម្បីឲ្យបុព្វជិតស្រោចទឹក ។
ខ្លះទៀតយំ ស្រែកក្នុងពិធីបណ្តេញខ្មោចព្រាយ ។
លោកដេវីតដែលជាអ្នកថតរូបបានប្រាប់ថា ៖ “បុព្វជិត Memhir យកឈើឆ្កាងមកប៉ះលើថ្ងាស រួចយកដៃដាល់លើខ្លួន ក្រោយមកក៏ស្រោចទឹកពីលើខ្លួនពួកគេ ។ ប្រការគួរឲ្យឆ្ងល់នោះ គឺអ្នកដែលមកពឹងពាក់ Memhir ត្រូវចំណាយលុយ ១០០ដុល្លារ ឬច្រើនជាងនេះ ទោះបីចំនួនលុយនោះវាពិតជាច្រើនណាស់សម្រាប់ប្រទេសក្រីក្រនេះ ។
ហើយនឹងបានបុព្វជិតស្រោចទឹកឲ្យ ។
ស្ត្រីម្នាក់ស្រែកយំមិនឈប់ ។
លោក David និយាយបន្ថែមថា អ្នកដែលមកចូលរួមពិធីនេះ សុទ្ធសឹងតែមានជំងឺដែលវេជ្ជសាស្ត្រពុំអាចព្យាបាលជា ហើយក្រុមគ្រួសារបែរជាយល់ថា វាបណ្តាលមកពីព្រាយបិសាចចូលសន្ធិតទៅវិញ ។
ពិធីបណ្តេញខ្មោចព្រាយដ៏ចម្លែកបែបនេះ តែប្រព្រឹត្តទៅនៅតំបន់ដាច់ស្រយាល ដែលមនុស្សពុំសូវយល់ដឹង ហើយក្រីក្របំផុត ៕ ចន្ទ្រា
