ក្មេងប្រុសអាយុ ៤ ឆ្នាំម្នាក់ ត្រូវបានឆ្កែព្រៃធំៗចំនួន ៥ ក្បាលខាំហែក និងពាំទៅ បន្ទាប់ពីក្មេងនោះបានផ្លោះរបងចេញក្រៅផ្ទះ។ វីដេអូរបស់ក្មេងប្រុសកំសត់ដែលត្រូវឆ្កែខាំញាំញី ត្រូវបានគេចែកចាយយ៉ាងច្រើននៅលើបណ្តាញសង្កេមហ្វេសបុក ហើយម្នាក់ៗសម្តែងការអាណិតអាសូរគ្រប់គ្រប់។
បើតាមវីដេអូ ឆ្កែធំ ៥ ក្បាល បានរត់មកខាំ និងអូសកុមារតូចនោះ នៅពេលក្មេងតូចបានផ្លោះរបងចេញមកក្រៅផ្ទះ។ កុមារកំសត់នោះមិនអាចធ្វើប្រតិកម្មអ្វីបាននោះឡើយ ដោយសារតែឆ្កែមានទំហំធំជាងខ្លួនវាឆ្ងាយណាស់។
ឆ្កែព្រៃទាំងនោះ រត់ និងអូសក្មេងប្រុសនោះ រហូតដល់ម្តាយរបស់គេចេញមកក្រៅ ស្រែកយំរកកូន និងបានឡើងតាមរបង ដើម្បីទៅជួយកូនរបស់គាត់។ ទោះយ៉ាងណា វាមិនមានគ្រោះថ្នាក់ ដល់អាយុជីវិតនោះទេ ដោយសារតែម្តាយបានរត់ទៅជួយទាន់។
នេះគឺជាមេរៀនសម្រាប់ឪពុកម្តាយគ្រប់រូប ដែលមានកូនតូច ដែលពួកគេត្រូវមានការប្រុងប្រយ័ត្ន
ជានិច្ចចំពោះកូនៗ ព្រោះគ្រោះថ្នាក់កំពុងស្ថិតនៅជុំវិញកូនៗរបស់ពួកគេគ្រប់ពេលវេលា៕ សុភ័ក្ត្រ
ប្រភព៖ Feedytv
