តារាសម្តែងតៃវ៉ាន់ នាង Celia Chang គឺជាមនុស្សម្នាក់ ដែលបានចូលរួមញ៉ាំអាហារពេលយប់ជាមួយលោក Mohd Nazifuddin Najib ក្នុងអំឡុងណាត់ជួបគ្នានៅក្នុងទីក្រុងតៃប៉ិ កាលពីថ្ងៃព្រហស្បតិ៍ ប៉ុន្តែ នាងបដិសេធថា ពុំបានដេកជាមួយគាត់ទេ ក្នុងយប់នោះ ។
តាមរយៈការបង្ហោះនៅលើហ្វេសប៊ុក កាលពីថ្ងៃរសៀលម្សិលមិញនេះ អ្នកទទួលខុសត្រូវរបស់នាង Chang បាននិយាយថា តារាសម្តែងស្រីរូបនេះពុំបានទទួលលុយកាក់ ឬ កាដូអ្វីណាមួយ ពីកូនប្រុសរបស់អតីតនាយករដ្ឋមន្ត្រីម៉ាឡេស៊ី Datuk Seri Najib Tun Razak នោះទេ ។
ការបង្ហោះបានឲ្យដឹងទៀតថា៖ «យើងខ្ញុំសូនស្នើដល់អ្នកទាំងអស់គ្នាស្ងប់ស្ងាត់ និងឈប់និយាយប្រមាថដាក់នាងទៀតទៅ» ។
កាលពីថ្ងៃសុក្រ កាសែតតៃវ៉ាន់ Apple Daily បានធ្វើព័ត៌មានដាច់ដោយឡែកមួយ អំពី Chang និងលោក Mohd Nazifuddin បន្ទាប់ពីពួកគេត្រូវបានប្រទះឃើញនៅជាមួយគ្នា នៅក្នុងសង្កាត់ Xinyi នៃទីក្រុងតៃប៉ិ ។
សារព័ត៌មានតៃវ៉ាន់ដែលបានតាមដានសាច់រឿងនេះ និយាយថា នាង Chang បានអះអាងថា ពួកគេទាំងពីរគ្រាន់តែចូលញ៉ាំអី និងផឹកស្រា នៅក្នុងបារនៃសណ្ឋាគារដែលលោក Nazifuddin កំពុងស្នាក់នៅប៉ុណ្ណោះ ប៉ុន្តែ នាងពុំបានចំណាយពេលស្នាក់នៅជាមួយគាត់នៅយប់នោះទេ ។
នាងក៏បានបដិសេធយ៉ាងដាច់អហង្ការទៀតថា ពួកគេបានថើបគ្នា គឺជាកាយវិការនៃការលាគ្នាប៉ុណ្ណោះ បន្ទាប់ពីញ៉ាំអីៗជាមួយគ្នារួចរាល់ ។
ការណាត់ជួបខាងក្រៅរបស់ពួកគេបានកើតឡើង – គឺ១ថ្ងៃបន្ទាប់ពីលោក Najib ត្រូវបានដោះលែងឱ្យនៅក្រៅឃុំ បន្ទាប់ពីគាត់ត្រូវចាប់ខ្លួនកាលពីថ្ងៃអង្គារ សម្រាប់តួនាទីរបស់គាត់នៅក្នុងរឿងអាស្រូវពុករលួយ ដែលបានទទួលនូវការថ្កោលទោសយ៉ាងខ្លាំងក្លា ពីជនជាតិម៉ាឡេស៊ី ។
យោងតាមមិត្តភក្តិរបស់ Chang ដែលត្រូវបានដកស្រង់សម្តីដោយ Apple Daily នោះលោក Nazifuddin បានចាប់ផ្តើមតាមទាក់ទំនងជាមួយនាងអស់រយៈពេល១ឆ្នាំមកហើយ ប៉ុន្តែ នាងមានមិត្តប្រុសម្នាក់ទៅហើយ ហើយការតាមចែចង់នេះក៏ធ្វើឡើងពុំផ្ទាល់ផងដែរ ។
នៅពេល Chang បានបែកបាក់នឹងមិត្តប្រុសរបស់នាង គាត់ក៏ស្រាប់តែតាមស្វែងរកនាងដោយស្មោះ ប៉ុន្តែ ស្ថានភាពរបស់ពួកគេនៅតែពុំដឹងច្បាស់ ព្រោះថា អ្នកទាំងពីក៏ពុំទាន់ក្លាយជាប្តីប្រពន្ធនឹងគ្នាស្របច្បាប់ផងនោះ ៕ ចន្ទី
