របាយការណ៍របស់អង្គការសហប្រជាជាតិឲ្យដឹងថា នាវាអមការពារមួយរបស់បារាំងបានធ្វើការឆែកឆេរនាវាទាំងឡាយរបស់អ៊ីរ៉ង់ ហើយធ្វើការរឹបអូសអាវុធផលិតដោយកូរ៉េខាងជើង ខណៈពេលនាវាទាំងនេះ ចលនាលើសមុទ្រអារ៉ាប់។
តាម Yonhap ក្រុមឃ្លាំមើលចំណុះគណៈកម្មាធិការដាក់ទណ្ឌកម្ម Somalia របស់ក្រុមប្រឹក្សាសន្តិសុខអង្គការសហប្រជាជាតិថ្មីៗនេះបានប្រកាសជាសាធារណៈនូវរបាយការណ៍ទាក់ទងដល់ករណីរឹបអូសអាវុធរបស់កូរ៉េខាងជើង។ របាយការណ៍នេះឲ្យដឹងថា នាវាអមការពាររបស់បារាំងនៅខែ ៣ បានពិនិត្យឃើញនាវាខ្នាតតូចៗរបស់អ៊ីរ៉ង់មានលួចលាក់ផ្ទុកកាំភ្លើងយន្តផលិតដោយកូរ៉េខាងជើង។
ខណៈពេលត្រូវបានចាប់ឃាត់នាវាទាំងនោះមានលាក់កាំភ្លើងយន្ត Type 73 របស់កូរ៉េខាងជើង ហើយកំពុងត្រូវបានដឹកជញ្ជូនលើសមុទ្រអារ៉ាប់ឆ្ពោះទៅកាន់ Somalia ។ នាវាទាំងនេះនៅមានរត់ពន្ធប្រភេទអាវុធដទៃទៀតផងដែរ។
តាម Washinton Post កាលពីខែ ១០/២០១៧ ធ្លាប់បាននាំពាក្យមជ្ឈដ្ឋានអ្នកជំនាញការវាយតម្លៃទុកជាមុនថា សូម្បីតែគ្រាដែលអាមេរិក និងបណ្តាប្រទេសសម្ព័ន្ធមិត្តរិតបន្តឹងបទបញ្ជាដាក់ទណ្ឌកម្មក្តីក៏រដ្ឋការព្យុងយ៉ាងនៅតែទទួលបានចំណូលសន្ធឹកសន្ធាប់ ពីការលក់អាវុធតម្លៃថោក និងយោធភ័ណ្ឌធុនធ្ងន់ឲ្យ “អតិថិជន” របស់ខ្លួននៅអ៊ីរ៉ង់ Burma , Cuba Syria Eritrea ឬសូម្បីតែសម្ព័ន្ធមិត្តរបស់អាមេរិក ដូចជា អេហ្ស៊ីព៕ សូយន
