ការឡើងគីឡូខ្លាំងពេក វាអាចធ្វើឲ្យយើងប្រឈមទៅនឹងជំងឺជាច្រើនមុខ ដូចជាជំងឺលើសឈាម ដាច់សរសៃឈាមក្នុងខួរក្បាល និងជំងឺទឹកនោមផ្អែមជាដើម។ បើតាមការស្រាវជ្រាវ ការឡើងទម្ងន់ជ្រុលខ្លាំង អាចធ្វើឲ្យយើងប្រឈមទៅនឹងការស្លាប់មុនអាយុ ដែលមានប្រមាណ ១៤០ភាគរយ សម្រាប់បុរស និង ១០០ភាគរយសម្រាប់ស្ត្រី។
ទោះយ៉ាងណា ពេលខ្លះ ការចង់ឡើងគីឡូគឺជារឿងលំបាកជាងការស្រកគីឡូទៅទៀត។ មនុស្សមួយចំនួន មានរូបរាងស្គប់ មើលទៅមិនស្រស់ស្អាត ហើយពួកគេចង់ឡើងគីឡូ តែនៅតែមិនឡើង ទោះបីប្រើប្រាស់ផលិតផលជាច្រើនក្តី។ ខាងក្រោមនេះ CEN នឹងបង្ហាញពីវីធីធម្មជាតិចំនួន ៧យ៉ាង ដែលមានប្រសិទ្ធភាពធ្វើឲ្យអ្នកឡើងគីឡូបាន។
១. ហូបឲ្យច្រើនជាងមុន
ចូរហូបអាហារឲ្យបានច្រើនជាងមុន។ ហូបស៊ុប បង្អែម នំ សណ្តែក ដំឡូងបារាំង …ជាដើម។ អ្នកគួរហូបអាហារណា ដែលមានជាតិកាឡូរីខ្ពស់។
២. គេងឲ្យបានគ្រប់គ្រាន់
ការគេងឲ្យបានគ្រប់គ្រាន់គឺជារឿងសំខាន់បំផុតក្នុងការធ្វើឲ្យអ្នកឡើងគីឡូបាន។ ចូរព្យាយាមចូលគេងមុនម៉ោង ចន្លោះម៉ោង ៧ ទៅ ១១យប់។ គេងឲ្យបាន ៨ម៉ោងយ៉ាងតិចក្នុងមួយថ្ងៃ។
៣. ប្រើប្រាស់ចានបាយធំជាងមុន
ការប្រើប្រាស់ចានធំជាងមុន ក៏ជាវិធីមួយដែលជួយជំរុញចិត្តយើងឲ្យហូបបានច្រើនផងដែរ ដើម្បីសម្រេចគោលដៅឡើងទម្ងន់។ តើអ្នកធ្លាប់លឹគេនិយាយឬអត់ថា បើចង់សម្រកទម្ងន់ អ្នកគួរប្រើប្រាស់ចានតូច ដូចគ្នានេះដែរ បើអ្នកចង់ឡើងទម្ងន់ អ្នកគួរប្រើប្រាស់ចានធំដែរ?
៤. បង្កើនកំលាំងរាងកាយ
ការហាត់ប្រាណគឺជាវិធីល្អបំផុត ដែលជួយឲ្យយើងឡើងគីឡូបាន។ នៅពេលយើងហាត់ប្រាណ វាធ្វើឲ្យយើងមានសុខភាពល្អ និងមានកម្លាំងមាំមួន និងជួយឲ្យយើងហូបអាហារបានច្រើនផងដែរ។
៥. ហូបឲ្យបានច្រើនជាង ៣ពេលក្នុងមួយថ្ងៃ
បើចង់ឡើងទម្ងន់ អ្នកគួរហូបឲ្យបានច្រើនជាង ៣ពេលក្នុងមួយថ្ងៃ។ អាហារដែលអ្នកហូប ត្រូវតែសម្បូរប្រូតេអ៊ីន និងកាឡូរីខ្ពស់
៦. ជ្រើសរើសអាហារប្រូតេអ៊ីនត្រឹមត្រូវ
ប្រូតេអ៊ីនគឺជាអាហារបំប៉នដ៏សំខាន់បំផុត ដើម្បីជួយឲ្យអ្នកឡើងទម្ងន់។ អាហារដែលមានជាតិប្រូតេអ៊ីនល្អ រួមមានដូចជា សាច់មាន់ សាច់ជ្រូក ថ្លើមមាន់ ស៊ុត ត្រីសាម៉ុង ទឹកដោះគោ សណ្តែក បង្គារ និងក្តាមជាដើម។
៧. ធ្វើឲ្យអារម្មណ៍ឲ្យស្ងប់ល្អ
ប្រសិនជាអ្នកមានការបារម្មណ៍ច្រើន ប្រព័ន្ធប្រសាទនឹងធ្វើឲ្យចង្វាក់បេះដូងរបស់អ្នកដើរលឿន ខុសធម្មតា។ ដើម្បីសម្រួលអារម្មណ៍ឲ្យស្ងប់ល្អ អ្នកគួរហាត់យោហ្គា ដោយធ្វើការដកដង្ហើមចេញចូលឲ្យបានវែងៗ និងការធ្វើសមាធិផងដែរ៕ សុភ័ក្ត្រ
ប្រភព៖ incrediblenat
