ក្រុមអ្នកជំនាញការសុខភាពទូន្មានថា គួរគប្បីបរិភោគផ្លែឈើតាមរដូវកាលរបស់វា ព្រោះវានាំមកនូវប្រយោជន៍ ២យ៉ាងគឺ ៖ ទី១ គឺតម្លៃថោក ហើយទី ២នោះ គឺចៀសវាងបានពីឥទ្ធិពលនៃថ្នាំសម្លាប់សត្វល្អិត ដែលគេតែងប្រើក្នុងបរិមាណច្រើនចំពោះផ្លែឈើខុសរដូវ ។
ទោះបីជាអ្នកកំពុងមានគភ៌ អ្នកកើតមុនខ្សាច់ រួមទាំងទឹកនោមផ្អែម… ពោលគឺមនុស្សស្ទើតែទាំងអស់អាចទទួលបានប្រយោជន៍ពីការបរិភោគផ្លែប៊ឺរ ។
ខាងក្រោមនេះ គឺជាប្រយោជន៍ 6យ៉ាងចំពោះសុខភាពដែលប្រិយមិត្តគប្បីដឹងតាម Medical Daily ៖
-សម្រកទម្ងន់តាមលំនាំធម្មជាតិ ៖ ប៊ឺពុំមានសារធាតុខ្លាញ់អាក្រក់ វាសម្បូរដោយសារធាតុខ្លាញ់សំខាន់ ជួយឲ្យយើងឆ្អែតក្រោយការបរិភោគ ហើយងាយរលាយជាង Cabohydrate ឬប្រូតេអ៊ីន ។ ការស្រាវជ្រាវមួយត្រូវបានប្រកាសជាសាធារណៈនៅឆ្នាំ ២០១៣ អះអាងថា ការបរិភោគផ្លែប៊ឺរ ក្នុងកម្រិតសមល្មមពិតជាមានទាក់ទងដល់កម្រិត DMI ធ្វើឲ្យចង្កេះរាងស្វែលល្អ ។ អ្នកវិទ្យាសាស្ត្រទូន្មានថា អ្នកអាចបរិភោគផ្លែប៊ឺរ ១/៣ ជាប្រចាំរៀងរាល់ថ្ងៃ ។
-ធ្វើឲ្យស្បែករលើបរលោង ៖ ប៊ឺរសម្បូរសារធាតុប្រឆាំងរ៉ាឌីកាល់សេរី ដូចជា carotenoid, vitamin E និងvitamin C ។ ទាំងនោះសុទ្ធសឹងជាសារធាតុជួយឲ្យសុខភាពស្បែកល្អប្រសើរឡើង ។
-ជួយកែសម្រួលសុខភាពខួរក្បាល ៖ អ្នកជំនាញការខាងអាហាររូបត្ថម្ភ ឈ្មោះ Ann Kulze ឲ្យដឹងថា ៖ “ផ្លែប៊ឺរវាលេចធ្លោ” សារធាតុបំប៉នជាអាទិ៍ folate, vitamin C, vitamin E និងស្ពាន់ ។ ផ្លែឈើនេះជំនួយដល់កោសិកាក្បាលឲ្យរឹងមាំនិងតំណភ្លាប់នៃសរសៃប្រសាទ។ ការសិក្សានៅឆ្នាំ ២០០៧ បង្ហាញថា ផ្លែប៊ឺរមានប្រយោជន៍ជួយដល់ការចងចាំ សមត្ថភាពដោះស្រាយបញ្ហារបស់មនុស្សចាស់ ។
-កាត់បន្ថយហានិភ័យកើតជំងឺបេះដូង ៖ តាមលោក Penny M. Kris-Etherton សាស្ត្រាចារ្យខាងអាហាររូបត្ថម្ភ នៃសកលវិទ្យាល័យ Penn អាមេរិក ណែនាំថា ការបរិភោគផ្លែប៊ឺរជាប្រចាំវាជួយកាត់បន្ថយ cholesterol ហើយសារធាតុខ្លាញ់នៃផ្លែប៊ឺរជួយបង្កើនប្រយោជន៍ដល់សុខភាពបេះដូង ។
-ជួយគ្រប់គ្រងជាតិស្ករបានល្អ ៖ សម្ព័ន្ធសមាគមន៍ជំងឺទឹកនោមផ្អែមអាមេរិក (ADA) ទូន្មានថា អ្នកកើតជំងឺនេះគប្បីបរិភោគផ្លែប៊ឺរ ព្រោះវត្តមាននៃសារធាតុខ្លាញ់របស់វាអាចជួយដល់ការរំលាយអាហារផង ក៏ដូចជារាំងស្កាត់កំណើតជាតិស្ករក្នុងឈាមផង ។
-ផ្លែប៊ឺរមានប្រយោជន៍ចំពោះនារីមានគភ៌ ៖ តាមការវាយតម្លៃមួយនៅឆ្នាំ ២០១៦ បញ្ជាក់ថា ៖ ផ្លែប៊ឺរគឺជាអាហារសម្បូរ សារាមានផ្ទុកសារជាតិបំប៉នច្រើនយ៉ាងរបស់ទារកក្នុងផ្ទៃ និងទារកទើបកើត ។ ផ្លែឈើនេះ សម្បូរដោយ folate ល្អ ហើយវាមានសមត្ថភាពកាត់បន្ថយហានិភ័យពិការភាពនៃទារកក្នុងផ្ទៃ ៕ លីសា
