សាកសពអប់ ដែលតភ្ជាប់ពីពាក់កណ្តាលខ្លួនខាងលើរបស់ម្ចាស់ក្សត្រីអេហ្សីព និងពាក់កណ្តាលខាងលើរបស់ក្រពើត្រូវបានរក្សាទុកដោយជំនឿថា នឹងបានចាប់ជាតិក្រោយ ។
តាម Ancient Code សាកសពអប់បុរាណមានក្បាល ២ មួយគឺជារបស់ក្មេងតូចម្នាក់ ហើយមួយទៀតជាក្បាលក្រពើ ទើបធ្លាយវត្តមាន ក្រោយពីការលាក់ទុកអស់ជាង ១សតវត្សរ៍ តាំងពីរជ្ជកាលសេ្តច Abdul Hamid II នៃចក្រភព oHoman ។
ក្រុមសមត្ថកិច្ចទួគី ទើបអនុញ្ញាតឲ្យអ្នកសារព័ត៌មានថតយករូបភាពនៃសពអប់ចម្លែកនេះ នៅវិមាន Topkapi នៃរដ្ឋធានី Istanbul ។
ក្រុមអ្នកជំនាញការឲ្យដឹងថា សពអប់នេះមានផ្នែកក្បាលម្ខាងរបស់ម្ចាស់ក្សត្រី ១អង្គ ពុំទាន់ស្គាល់ព្រះនាម ហើយម្ខាងទៀតជាផ្នែកខាងលើនៃក្រពើទន្លេ Nile ១ក្បាល ។
បើតាមរឿងនិទាននោះ ម្ចាស់ក្សត្រីអេហ្ស៊ីពរូបនេះ ត្រូវក្រពើត្របាក់ស្លាប់នៅទន្លេ Nile ។ Pharaoh អេហ្ស៊ីព សម្រេចគួបផ្សំរាងកាយ ២ ខាងលើ ព្រោះជឿថា ម្ចាស់ក្សត្រីតូចនឹងចាប់ជាតិក្រោយក្នុងរូបរាងជាក្រពើ ។
សពអប់ពាក់កណ្តាលមនុស្ស និងក្រពើត្រូវបានរក្សាទុកនៅក្នុងវិមានទួគី ។
ប្រវត្តិវិទូទួគី onyali ជាអ្នកកត់ត្រារឿងនិទានពីសពអប់ចម្លែកនេះ នៅទសវត្សរ៍ទី ១៩៥០ ហើយតាមលោក អ្នករស់នៅវិមាន Yildiz មានការភ័យតក់ស្លុតយ៉ាងខ្លាំង ក្រោយពេលឮសូរក្ឌុងក្ឌាំងពីឃ្លាំងផ្ទុកនៅកណ្តាលអាធ្រាត ហើយបានឃើញក្បាលក្រពើនេះ…ហារមាត់ទៀត ។
ក្រោយមកដើម្បីបញ្ចៀសកុំឲ្យអ្នកនៅទីនោះខ្លាច ស្តេច Abdul Hamid II បានឲ្យបញ្ជូនមកវិមាន Topkapi វិញ ៕ ចន្ទ្រា
