នោះគឺពូជមាន់ Ayam Cemani ឫសគល់របស់វានៅកោះ Java ប្រទេសឥណ្ឌូណេស៊ី ។ ឆ្នាំ១៩៩៨ អ្នកជំនួញសញ្ជាតិហូឡង់ម្នាក់ បាននាំយកពូជមាន់ខ្មៅនេះទៅកាន់ទ្វីបអឺរ៉ុប ។ តាមរយៈនោះ គេបានអភិវឌ្ឍន៍វាមានចំនួនច្រើនឡើងៗ ។
ធម្មតាមាន់ Ayam Cemani មានទម្ងន់ពី ១,៥-២,៥គីឡូក្រាម ។ មាន់ញីពងជាមធ្យម ពី ៦០-៧០ ស៊ុត ហើយស៊ុត ១គ្រាប់មានតម្លៃចន្លោះពី ២៥-៥០ USD ។
មាន់នេះខ្មៅគឺខ្មៅទាំងអស់ រោម ចំពុះ អណ្តាត… ហើយស៊ុតវាក៏ខ្មៅក្រិបដែរ ។
ពួកលោកខាងលិចជឿថា ចិញ្ចឹមមាន់ខ្មៅ Cemani ក្នុងផ្ទះនឹងនាំនូវភ័ព្វសំណាង ព្រោះវាជួយការពារ និងរកស៊ីមានបាន ។ ហេតុនេះតម្លៃមាន់ខាងលើនៅអឺរ៉ុប អាចមានតម្លៃរហូតដល់ ២៥.០០០ USD ក្នុង១ក្បាលឯណោះ ។
ប្រទេសវៀតណាមកំពុងតែអភិវឌ្ឍន៍ពូជមាន់នេះខ្លាំងណាស់ ហើយគេលក់ពូជមាន់ មានអាយុក្រោម ៣សប្តាហ៍ ១ក្បាល ប្រហែល ២៥-៥០USD ។
អាស្រ័យដោយវាមានតម្លៃសេដ្ឋកិច្ចខ្ពស់ ហើយទទួលការនិយមចូលចិត្ត “មិនគ្រប់លក់” បែបនេះនៅប្រទេសឥណ្ឌូណេស៊ី គេច្រើនហៅវាថា “មាន់ Lamborghini” (ឈ្មោះយីហោរថយន្តល្បី និងថ្លៃ) ។
ពូជមាន់ខ្មៅនេះ វាធន់នឹងជំងឺ ហើយគេនិយមចិញ្ចឹមមិនព្រលែង ដើម្បីបញ្ចៀសការប្រឡាយកាត់ពូជ ។ អាហាររបស់វាដូចមាន់ធម្មតា ។ ដោយស្បែកសាច់របស់វា មានបរិមាណជាតិដែកខ្ពស់ល្អសម្រាប់ស្ត្រីមានគភ៌ និងអ្នកខ្វះឈាមក្រហម ៕ លីសា
