វៀតណាមបាននាំចូលពូជប៉េងប៉ោះសម្បករឹង (ឬប៉េងប៉ោះTamarillo) ដែលមានតម្លៃយ៉ាងថ្លៃនិងកំពុងត្រូវបានដាក់តាំងលក់នៅផ្សារទំនើបធំៗ។
ប្រមាណកន្លះឆ្នាំមកនេះ នៅលើទីផ្សារវៀតណាមគេឃើញមានប៉េងប៉ោះTamarillo ហើយពេលនោះវាមានតម្លៃដល់ទៅ១លានដុងក្នុង១គីឡូក្រាម(ប្រមាណ៤៥ដុល្លារ)។តម្លៃនេះលើសពីប៉េងប៉ោះធម្មតា៥០ដង ឬលើសពីប៉េងប៉ោះខ្មៅដែលកំពុងពេញនិយម១០ដង។ពេលនោះភាគច្រើនត្រូវបាននាំចូលមកពីប្រទេស Ecuador ប៉ុន្ដែឥឡូវគេកំពុងបង្កើនការដាំដុះវានៅប្រទេសវៀតណាម។
យ៉ាងនេះក្ដី ទោះផលិតក្នុងស្រុកហើយ គេសង្កេតឃើញមានច្រើនក្នុងទីផ្សារ តែតម្លៃរបស់វាមិនធ្លាក់ចុះខ្លាំងពេកទេ គឺនៅប្រមាណ300.000 ដុងក្នុងង១គីឡូក្រាម(ជាង១៣ដុល្លារ)។
ម្ចាស់កសិដ្ឋានម្នាក់ឈ្មោះខឿននិយាយថា តម្លៃពេលនេះធ្លាក់ចុះព្រោះតែប៉េងប៉ោះសម្បករឹងនេះត្រូវគេដាំយ៉ាងច្រើននៅដាឡាត់ កំពុងផ្ដល់ផលយ៉ាងសន្ធឹកសន្ធាប់។
ប៉េងប៉ោះសម្បករឹងនេះក្រោយពេលដាំពី៨ទៅ១២ខែវានឹងផ្ដល់ផល
នៅឆ្នាំដំបូងអាចទទួលផលពី៣០ទៅ៤០គីឡូក្រាមក្នុងមួយដើម ហើយពេលដើមវាកាន់តែធំវាកាន់តែផ្ដល់ផលច្រើន។
ទៅបីវាលែងថ្លៃដូចពេលនាំចូលពីប្រទេសក្រៅក្ដីប៉ុន្ដែបច្ចុប្បន្ននេះវាជាពូជប៉េងប៉ោះដាំនៅវៀតណាមមានតម្លៃថ្លៃជាំងគេប្រៀបទៅនឹងប៉េងប៉ោះធម្មតាក៏ដូចជាប៉េងប៉ោះខ្មៅ។
ប៉េងប៉ោះនេះរាងតូច ក្នុង១គីឡូក្រាមមានប្រមាណពី២០ទៅ២៤ផ្លែ។
ក្រោយពីដាំនៅក្នុងស្រុកបានជោគជ័យ ប៉េងប៉ោះនេះកំពុងតែពេញនិយម។
គេអាចកាច់វាជាំបន្ទះៗលាយជាំមួយសាឡាដបរិភោគស្រស់តែម្ដង។វានឹងធ្វើឱ្យអាហារនេះមានក្លិនលាយឡំគ្នារវាងក្រូចវល្លិ,ប៉េងប៉ោះនិងស្ដ្រូប៊ឺរីដ៏ពិសេស។
គេអាចកាត់វាជាបន្ទះៗលាយជាមួយទឹកកក ធ្វើជាភេសជ្ជៈដ៏ល្អសម្រាប់រដូវក្ដៅ
អ្នកខ្លះទៀតគេយកវាមកកិនជាទឹកផ្លែឈើ
តាមឈ្មួញជួញដូរបន្លែម្នាក់និយាយថា បរិមាណផលបច្ចុប្បន្នមិនអាចឆ្លើយតបនឹងតម្រូវការដ៏ច្រើនលើសលប់។ ហេតុនេះភាគច្រើនត្រូវកុម្មង់ទិញទុកជាមុន៕ លីសា
