លោកតាម្នាក់មានដុំពកដ៏កំណាចមួយ «បញ្ញើ» នៅជាប់នឹងខ្នងរបស់គាត់ ធំប៉ុនការ៉ុងមួយគួរឲ្យអាសូរ ដែលបាននិងកំពុង «ស្នាក់នៅ» ជាមួយគាត់អស់រយៈពេលប្រហែល ៤០ ឆ្នាំ មកហើយ ។
លោកតា Hesus Demata អាយុ ៧៦ ឆ្នាំ បានកត់សម្គាល់លើកដំបូង នូវដុំពកតូចមួយស្ថិតនៅខាងក្រោម.ករបស់គាត់ នៅក្នុងឆ្នាំ១៩៧៨ ។ ប៉ុន្តែ ឪពុកកូន៤នាក់នេះបាននិយាយថា គាត់មិនទៅឲ្យពេទ្យពិនិត្យទេ ព្រោះពុំមានការឈឺចាប់អ្វី ហើយគាត់ខ្លាចត្រូវចំណាយសម្រាប់ថ្នាំពេទ្យច្រើន ។
ដុំពកនេះបន្តលូត ដែលឥឡូវនេះ មានទំហំរហូតដល់កន្លះម៉ែត្រ និងសណ្តូកចុះនៅខាងក្រោយខ្នងរបស់គាត់គួរឲ្យខ្លាច ។
វាមានទម្ងន់ប្រហែល ៥ គ.ក្រ ។ Hesus ទីបំផុត ត្រូវបញ្ឈប់ការងារដែលមានប្រាក់ខែជិត ២០០ ដុល្លារ ក្នុង១ខែ ក្នុងនាមជាកសិករម្នាក់ ព្រោះតែដុំសាច់នោះបានវិវត្តកាន់តែធំខ្លាំង ពុំអាចធ្វើការងារពេញមួយថ្ងៃបាន នៅវាលស្រែក ។
អ្នកស្រុកនៅ Camarines Norte ក្នុងប្រទេសហ្វីលីពីន ឥឡូវនេះ កំពុងព្យាយាមរួមគ្នារកលុយឲ្យបានគ្រប់គ្រាន់ ដើម្បីបញ្ជូនលោកតា Hesus ទៅកាន់មន្ទីរពេទ្យ ដើម្បីទទួលបានការវះកាត់មួយ ដែលអាចមានតម្លៃស្មើនឹងរាប់ពាន់ផោនដ៍ឯណោះ ។
មានប្រសាសន៍នៅខាងក្រៅផ្ទះរបស់គាត់ ជាមួយប្រពន្ធឈ្មោះ Florentina Demata អាយុ ៧៤ ឆ្នាំ លោកតានិយាយថា គាត់នៅតែមានអារម្មណ៍ពុំឈឺចុកចាប់ពីការរីកលូតរបស់ដុំសាច់នេះសោះ ប៉ុន្តែ «មានការអស់កម្លាំង ដោយសាតែទម្ងន់របស់វា» ។
គាត់បន្ថែមថា៖ «វាបានចាប់ផ្តើមនៅលើស្មាខាងឆ្វេងរបស់ខ្ញុំ ។ វាមានទំហំតូចទេប៉ុនផ្លែ calamansi ប៉ុណ្ណោះ ។ ខ្ញុំមិនបានខ្វាយខ្វល់ជាមួយគ្រូពេទ្យទេ ព្រោះវាមិនបានធ្វើឲ្យឈឺចុកឆាប់ផង ។ ខ្ញុំខ្លាចថា ការព្យាបាលនឹងជួបប្រទះជាមួយការចំណាយច្រើន ។ ខ្ញុំមានលុយគ្រប់គ្រាន់តែសម្រាប់ទិញចំណីអាហារហូបចុកប្រចាំថ្ងៃ និងបុកការចំណាយធ្វើកសិកម្មប៉ុណ្ណោះ ។
លោកតាបន្តថា៖ «ដុំសាច់នេះបានស្ថិតនៅលើខ្នងរបស់ខ្ញុំ អស់រយៈពេលច្រើនឆ្នាំមកហើយ ។ ខ្ញុំនៅអាចធ្វើការនៅវាលស្រែបាន នៅពេលនោះវាមានទំហំតូច ។ ប៉ុន្តែ ឥឡូវនេះ ខ្ញុំត្រូវបោះបង់ការងារចោលហើយ ព្រោះវាធ្ងន់ខ្លួនខ្លាំងពេក ពុំអាចធ្វើការបាន» ៕ ឧត្តម
