ក្នុងប្រតិកម្មថ្មីបំផុតមួយ ក្រសួងការបរទេសរុស្ស៊ីបានអះអាង«ឯកភាព»ជាមួយនឹងការលើកឡើងរបស់ប្រធានាធិបតីអាមេរិក Donald Trump នៅថ្ងៃទី១៦កក្កដា មុនជំនួបជាមួយប្រធានាធិបតីរុស្ស៊ីនៅHelsinki ថា ទំនាក់ទំនងរុស្ស៊ី-អាមេរិកធ្លាក់ចុះដល់កម្រិតទាបពុំធ្លាប់មាន អាស្រ័យដោយភាព«ល្ងង់ខ្លៅ»របស់អាមេរិក។
ប្រធានាធិបតីរុស្ស៊ី Vladimir Putin(ស្ដាំ)និងប្រធានាធិបតីDonald Trump ក្នុងជំនួបកំពូលនៅHelsinki ប្រទេសហ្វាំងឡង់ ថ្ងៃទី១៦កក្កដា
ទាក់ទិនដល់ការវាយតម្លៃទំនាក់ទំនងទ្វេភាគីរបស់ប្រធានាធិបតីTrump ដែលសរសេរលើ Twitter របស់លោក ក្រសួងការបរទេសរុស្ស៊ីបានសរសេរ tweet «យើងខ្ញុំបានឯកភាព»នៅប៉ុន្មានម៉ោងប៉ុណ្ណោះជាមួយប្រធានាធិបតីរុស្ស៊ី។ ប្រធានាធិបតីត្រាំសរសេរ«ទំនាក់ទំនងរបស់យើងជាមួយរុស្ស៊ីអាក្រក់ពុំធ្លាប់ពុំ មានអាស្រ័យដោយភាពល្ងង់ខ្លៅរបស់អាមេរិក ហើយពេលនេះគឺជាយុទ្ធនាការប្រមាញ់រកធ្មប់ទុច្ចរិតភូតកុហក»នេះប្រហែលចង់និយាយដល់ការស៊ើបអង្កេតរបស់អយ្យការពិសេស Robert Mueller.។
វាយតម្លៃអំពីជំនួបឯកជនមុននោះ ថ្លែងក្នុងពិធីលាងសាយភោជន៍និងធ្វើការបណ្ដើរ ប្រធានាធិបតីTrump បានប្រកាសថា លោកបានមាន«ការចាប់ផ្ដើមមួយល្អ ការចាប់ផ្ដើមមួយដែលល្អណាស់សម្រាប់មនុស្សគ្រប់រូប»។
មុននោះសេតវិមានគិតថា ជំនួបឯកជនរបស់មេដឹកនាំទាំងពីរអាចប្រព្រឹត្ដទៅត្រឹម៩០នាទីប៉ុណ្ណោះ ប៉ុន្ដែជាក់ស្ដែងជំនួបនេះបានអូសបន្លាយដល់ទៅជាង២ម៉ោង៕
សូយន
