នៅថ្ងៃនេះមេដឹកនាំទាំងពីរបានពិភាក្សាអំពីបណ្ដាបញ្ហាភាពតានតឹងនៅឧបទ្វីបកូរ៉េ ស្ថានការណ៍ស៊ីរីក្នុងជំនួបកំពូលដំបូង…។
តាមAFP ដែលដកស្រង់សម្ដីលោក Putin ថ្លែងក្នុងសន្និសីទកាសែតរួមថា«ខ្ញុំចាត់ទុកកិច្ចពិភាក្សានេះជោគជ័យណាស់ ហើយមានសារប្រយោជន៍ក្នុងបរិយាកាសស្មោះស្ម័គ្រនិងជាក់ស្ដែង។
ប្រធានាធិបតីអាមេរិក-រុស្ស៊ី ធ្វើសន្និសីទកាសែតរួមនៅHelsinki ប្រទេសហ្វាំងឡង់
លោកPutin ក៏បានឱ្យដឹងថា ប្រធានាធិបតីអាមេរិកTrumpបានលើកឡើងពីការចោទប្រកាន់ថារុស្ស៊ីចូលអន្ដរាគមន៍ក្នុងការបោះឆ្នោត ប្រធានាធិបតីអាមេរិក។ លោកPutinពោល៖ ខ្ញុំត្រូវអះអាងសាជាថ្មីនូវរឿងមួយដែលខ្ញុំបាននិយាយច្រើនដងមកហើយ ក្នុងនោះមានទាំងពេលដែលយើងខ្ញុំជួបគ្នាជាឯកជនថា ប្រទេសរុស្ស៊ីមិនដែលអន្ដរាគមន៍ ហើយគ្មានពេលណាធ្វើអន្ដរាគមន៍ទៅលើបញ្ហាផ្ទៃក្នុងរបស់អាមេរិក ក្នុងនោះមានបញ្ហាបោះឆ្នោត។
លោកPutin ពោល ៖ច្បាស់លាស់ណាស់មនុស្សគ្រប់រូបអាចសម្លឹងឃើញទំនាក់ទំនងទ្វេភាគីកំពុងឆ្លងកាត់ដំណាក់កាលលំបាក។ប៉ុន្ដែពុំមានមូលហេតុសត្យានុម័តណាសម្រាប់ការលំបាក បរិយាកាសតានតឹងបច្ចុប្បន្ននេះទេ។
ឆ្លើយតបនឹងសំណួរសួរថា តើលោកចង់ឱ្យលោកTrumpឈ្នះឆ្នោតដែរឬទេ? លោកPutinនិយាយថា៖ ពិតជាមាន ព្រោះពាណិជ្ជកររូបនោះ(លោកTrump) បានសន្យាកែសម្រួលទំនាក់ទំនងWashington និង Moscow ។
លោកPutinនូវបានស្ងើចសរសើរកិច្ចប្រតិបត្តិការរវាងកងកម្លាំងសន្ដិសុខអាមេរិក-រុស្ស៊ី ។លោកបន្ដគាំទ្រកិច្ចសហប្រតិបត្ដិការ និងធានាសុវត្ថិភាពសន្ដិសុខបណ្ដាញ Internet។
ប្រមុខការទូតរុស្ស៊ី Sergei Lavrov នូវឱកាសនោះដែរបានឱ្យដឹងថា «ល្អជាងទាំងភាពល្អឆ្នើម»ទៅទៀត ។
គួររំលឹកថានេះជាជំនួបកំពូលដំបូងដែលមេដឹកនាំប្រទេសទាំងពីរបានជួបគ្នាគិតតាំងពីលោកTrumpក្លាយជាប្រធានាធិបតីអមេរិកនៅឆ្នាំ២០១៧៕
សូយន
