តាម Reuters ប្រធានាធិបតីTrump បានថ្លែងក្នុងសន្និសីទកំពូលថា៖«ខ្ញុំគិតថា ចុងក្រោយយើងខ្ញុំមានទំនាក់ទំនងពិសេសមួយ។ ខ្ញុំធ្លាប់បាននិយាយ ហើយជឿថា មនុស្សគ្រប់គ្នាបានដឹងកិច្ចសហប្រតិបត្ដិការជាមួយរុស្ស៊ីគឺជារឿងល្អ ពុំមែនជារឿងអាក្រក់ទេ។
មេដឹកនាំមហាអំណាចទាំងពីរចាប់ដៃគ្នាក្នុងជំនួបកំពូលនៅHelsinki ប្រទេសហ្វាំងឡង់ ថ្ងៃ១៦ខែកក្កដា
លោកTrump ឱ្យដឹងបន្ថែមថា ប្រការសំខាន់បំផុតនោះគឺយើងខ្ញុំមានកិច្ចការជាច្រើនសម្រាប់ពិភាក្សាគ្នា។ហើយបើតាមលោកឱ្យដឹង គឺមេដឹកនាំទាំងពីរ បានធ្វើការពិភាក្សាអំពីរឿងគ្រប់យ៉ាង តាំងពីពាណិ
ជ្ជកម្ម យោធា និងប្រទេសចិន។ យើងខ្ញុំបាននិយាយបន្ដិចដែរអំពីប្រទេសចិននិងមិត្ដភក្ដិរួមរបស់យើងគឺលោក Xi Jinping។
លោកTrump សង្កត់ធ្ងន់ថា៖ ខ្ញុំពិតជាគិតថាពិភពលោកនេះចង់ឃើញប្រទេសទាំងពីរសហការគ្នា។ យើងខ្ញុំគឺជាមហាអំណាចនុយក្លេអ៊ែរពីរដែលកាន់កាប់អាវុធនុយក្លេអ៊ែរប្រមាណ៩០ភាគរយនៅលើពិភពលោក ហើយនេះគឺជារឿងមិនល្អទេ គឺជារឿងអាក្រក់។
នៅវគ្គបញ្ចប់នៃសុន្ទរកថា លោកTrump បានសម្ដែងក្ដីសង្ឃឹមថាក្រុងWashington និង Moscow អាចនឹងនាំយកចម្លើយសម្រាប់ បញ្ហាសំខាន់ៗរបស់ពិភពលោកក្រោយជំនូបកំពូលជាមួយលោកPutin។យ៉ាងណាក្ដី លោកពុំបាននិយាយដល់ប្រធានបទដែលគេ កំពុងចាប់អារម្មណ៍ផ្សេងទៀត ជាអាទិ៍បិបត្តិនៅអ៊ុយក្រែន, ស៊ីរី NATO ឬកូរ៉េខាងជើង៕សូយន
