បណ្តាអ្នកវិទ្យាសាស្ត្រជប៉ុនថ្មីៗនេះទើបដាក់បង្ហាញពីបរិក្ខាររម្យ៉ាងអាចបរិដវត្តមួយសម្រាប់វិស័យពន្លត់អគ្គិភ័យ នៅថ្ងៃអនាគតយ៉ាងខ្លាំងខាងមុខ ។
ជាក់ស្តែងបរិក្ខារនេះគឺជាបំពង់បាញ់ទឹកស្វ័យប្រវត្តិក្នុងការធ្វើចលនាសំដៅទៅពន្លត់អគ្គិភ័យ ដោយពុំចាំបាច់ត្រូវការមនុស្សកាន់តម្រង់វាទៀត ។
បំពង់នេះ អាចចលនាយ៉ាងងាយចូលទៅកន្លែងចង្អៀត បត់បែន ដើម្បីបាញ់ពន្លត់ភ្លើង ។
ប្រភេទទុយោរល្បឿនលឿននេះ ប្រើប្រាស់ប្រព័ន្ធប្រតិកម្មសម្ពាធទឹកដែលតម្លើងស្របតាមទុយោរ ដើម្បីជួយឲ្យវា “ហោះហើរ” ទៅកាន់គោលដៅអគ្គិភ័យ។ ទីភ្នាក់ងារពន្លត់អគ្គិភ័យ បញ្ជាវាតាមរយៈប្រព័ន្ធមួយ ។ ជាក់ស្តែងគេអាចបញ្ជារយៈកម្ពស់ទិសដៅរបស់ក្បាលទុយោរ ដោយប្រើសម្ពាធទឹកបាញ់ចេញដើម្បី “តម្រង់ទិសដៅ” ។
ទម្រង់និងចលនារបស់វាត្រូវបានគេយកលំនាំតាម “ពស់” ។ ហេតុនេះវាអាចចូលតាមបង្អួច ប្រហោងផ្សេងៗ ដើម្បីចូលកៀកនឹងកន្លែងកំពុងឆេះ ។ ក្រៅពីនោះដោយសារថាមពលរបស់វាគឺជា “ទឹក” ហេតុនេះវាអាចបំពេញការងារបានយូរ ហើយពេលត្រូវបន្ថែមថាមពលក៏ពុំចំណាយពេលច្រើនដែរ ។
ជាមួយឧបករណ៍នេះ កងកម្លាំងពន្លត់អគ្គិភ័យ អាចឈរជើងនៅទីតាំងសុវត្ថិភាព ឆ្ងាយពីកន្លែងកើតហេតុ ដើម្បីធ្វើការពន្លត់ភ្លើង ។
ប្រាកដណាស់វាអាចធ្វើឲ្យអ្វីៗដែលមនុស្សពុំអាចធ្វើរួច ! ៕ លីសា
