ក្រៅពីបុកគ្នារវាងរថយន្ត ឬម៉ូតូ នោះមនុស្សជាច្រើនបានជួបបទពិសោធន៍គ្រោះថ្នាក់រួចទៅហើយ ដែលបានជិះម៉ូតូបុកឆ្កែឆ្លងផ្លូវ ប៉ុន្តែ យើងក៏ពុំធ្លាប់បានឃើញគ្រោះថ្នាក់ដ៏សាហាវដូចក្នុងករណីនេះទេ ដែលបានកើតឡើងនៅផ្លូវមួយកន្លែង ស្ថិតក្នុងកោះ Wrangel រដ្ឋ Andhra ប្រទេសឥណ្ឌា ។
វីដេអូមួយដែលបានបង្ហោះផ្សាយដោយ Live Leak បានបង្ហាញឲ្យឃើញសត្វឆ្កែ១ក្បាល បានឆ្លងផ្លូវ និងឈប់នៅត្រឹមក្បាលពុះទ្រូងផ្លូវ ប៉ុន្តែ បន្ទាប់មក វាត្រូវបានឃើញហាក់ចង់បកក្បាលត្រឡប់មកចិញ្ចើមផ្លូវវិញ ខណៈដែលបុរសម្នាក់បានជិះម៉ូតូហួស ។
ប៉ុន្តែ ពិតជារន្ធត់ខ្លាំងណាស់ ខណៈពេលដែលបុរសម្នាក់ជិះពីខាងក្រោយចូលមកដល់ សត្វឆ្កែនេះស្រាប់តែរត់ឆ្លងផ្លូវភ្លាមៗ ដែលជាហេតុធ្វើឲ្យគាត់ពុំអាចគេចទាន់ និងបុកវាទាំងកម្រោល បណ្តាលឲ្យដួលម៉ូតូ ហើយគាត់ត្រូវបោកក្បាលនឹងរបាំងថ្មទ្រូងផ្លូវ១កង់យ៉ាងសាហាវបំផុត ។
បើទោះជាពុំមានព័ត៌មាន បញ្ជាក់ពីស្ថានភាពរបួសរបស់គាត់ តែតាមរយៈការពិនិត្យឃើញស្ថានភាពដ៏សាហាវជាក់ស្តែងក្នុងវីដេអូនេះ មនុស្សជាច្រើនបានគិតថា បុរសនោះមានសង្ឃឹមរស់រានមានជីវិតតិចតួចណាស់ ។
ទោះយ៉ាងណា នេះជាករណីបុកឆ្កែដ៏ស្លុតរន្ធត់មួយ ដែលអ្នកទាំងអស់គ្នាបានឃើញហើយ គួរតែមានការប្រុងប្រយ័ត្នជានិច្ច ខណៈពេលកំពុងធ្វើដំណើរនៅលើដងផ្លូវលឿនៗ ជាពិសេសសម្រាប់អ្នកបើកបរម៉ូតូតែម្តង ៕ ឧត្តម
