បន្ទាយមានជ័យ ៖ កម្លាំងកងទ័ពភូមិភាគប្រចាំតំបន់១(ទិសបន្ទាយមានជ័យ) កងពលតូចថ្មើរជើងលេខ៥១ កងការពារព្រំដែនលេខ៥០៣ និងតំបន់ប្រតិបត្តិការសឹករងខេត្តបន្ទាយមានជ័យព្រមទាំងកម្លាំងពាក់ព័ន្ធចំហនិងសម្ងាត់ផ្សេងទៀតនៅបន្ទាយមានជ័យក៏ត្រៀមប្រចាំបញ្ជានិងត្រួតកម្លាំងចាំអនុវត្តផែនការថ្នាក់លើទាក់ទិនបង្កា ទប់ស្កាត់ និងកម្ទេចការតវ៉ាដែលគាំទ្រគណបក្សប្រឆាំង។
ឧត្តមសេនីយ៍ត្រី សេង ធារិន មេបញ្ជាការរង នាយសេនាធិការ កងពលតូចថ្មើរជើងលេខ៥១ អោយដឹងថា:កាលពីម៉ោង ៨យប់ ថ្ងៃទី ១៥ ខែ វិច្ឆិកា ឆ្នាំ ២០១៧ លោកនិងនាយទាហានបានត្រួតពិនិត្យនូវការអនុវត្តន៍តាមបទបញ្ជារបស់ថ្នាក់លើ។លោកនិង វរសេនាតូចថ្មេីរជេីងលេខ៥១៣ បានត្រួតកំលាំងអន្តរាគមន៍ តាមផែនការរបស់ថ្នាក់លើកំណត់ កម្លាំង សព្វាវុធ សំភារះបំរើប្រយុទ្ធគ្រប់តាមផែនការ ។
លោកវរសេនីយ៍ ជឹម អាន មេបញ្ជាការរងតំបន់ប្រតិបត្តិការសឹករងខេត្តបន្ទាយមានជ័យអោយរស្មីកម្ពុជាដឹងល្ងាចថ្ងៃទី១៦វិច្ឆិកាថា:កម្លាំងតំបន់បានត្រៀមនិងប្រចាំបញ្ជាដូចដែលផែនការបញ្ជាថ្នាក់លើតាមឋានានុក្រមនិងគណ:បញ្ជាការកងឯកភាពខេត្តដាក់ជូន។
លោកបន្តថា តំបន់ក៏សូមជូនដំណឹងកុំអោយប្រជាពលរដ្ឋសាធារណជនភ្ញាក់ផ្អើលនៅពេលឃើញកម្លាំងធ្វើយុទ្ធដំណើរពីបន្ទាយនៅសង្កាត់អូរអំបិលកាត់កណ្តាលក្រុងទៅសង្កាត់កោះពងសត្វនៅព្រឹកថ្ងៃទី១៧វិច្ឆិកា ក្នុងបំនងពង្រឹងប្រតិបត្តិការ។
ចំណែកលោកឧត្តមសេនីយ៍ទោប្រាក់ សុភ័ណ្ឌ មេបញ្ជាការរងយោធភូមិភាគ៥ទទួលប្រចាំតំបន់ទី១(បន្ទាយមានជ័យ)អោយដឹងថា:គ្រប់កងឯកភាព បានប្រចាំបញ្ជានិងត្រៀមលក្ខណ:អនុវត្តបទបញ្ជាស្រេចបាច់អស់ហើយ៕ ដោយ ៖ បន្ទាយ