ជម្លោះពាក្យសម្តីមួយបានផ្ទុះឡើងយ៉ាងខ្លាំងក្លានៅប៉ុន្មានថ្ងៃក្រោយពេលរូបភាពតារាបង្ហាញម៉ូត ដែលបំបៅដោះកូនបណ្តើរ ដើរបង្ហាញម៉ូតបណ្តើរ ។
Mara Martin បានធ្វើដំណើរយ៉ាងល្វតល្វន់លើឆាក ជាមួយទារក Aria កំពុងបៅលើដៃ ។ នាងឲ្យកូនបៅបណ្តើរ បំពេញការងាររបស់ខ្លួនបណ្តើរ នៅពីមុខមហាជនយ៉ាងច្រើនកុះករ ។
ឈុតសម្តែងនេះ ត្រូវបានធ្វើឡើងកាលពីចុងសប្តាហ៍មុន បំណងបង្ហាញសំណុំឈុតហែលទឹកថ្មីរបស់ Sports Illustrated ។
ទិដ្ឋភាពដែល Mara Martin ថែទាំកូនបណ្តើរបំពេញការងាររបស់ខ្លួនបានយ៉ាងល្អផងនោះ បានបញ្ឆេះជម្លោះពាក្យសម្តីដ៏ខ្លាំងខ្លានៅអាមេរិក ។ ជាប្រទេសសេរីក៏ពិតមែន ប៉ុន្តែក្នុងកែវភ្នែករបស់ពលរដ្ឋអាមេរិក ពិតជាមិន “យលស្រប” នឹងការបំបៅទារកកណ្តាលហ្វូងមហាជនឡើយ ។ នារីទាំងឡាយដែលប្រញាប់ចង់ទៅធ្វើការក្រោយសម្រាលកូនតែងប្រើរូបមន្តទឹកដោះគោជំនួសទឹកដោះម្តាយ ! ។
នៅថ្ងៃទី ១៧ ខែកក្កដានេះ តួអង្គ “បង្កជម្លោះ” Maria Martin បានធ្វើកិច្ចសម្ភាសន៍ជាមួយកម្មវិធី “Today” របស់ NBC ។ នាងនិយាយថា នេះពុំមែនជាឈុតឆាករៀបចំទុកទេ ។ បញ្ហាស្ថិតត្រង់កម្មវិធីបានពន្យារពេលប្រៀបនឹងគម្រោងទុក ហេតុនេះវេនឡើងឆាករបស់នាងចំពេលដែល Aira ខ្លាចតែម្តង ។
ប្រសិនបើពុំបានបំបៅកូនហើយឡើងសម្តែងវាពិតជាមិនដាច់ចិត្តសោះ ព្រោះក្មេងវាយំទារបៅ! ។ ហេតុនេះពេលមនុស្សម្នាក់ក្នុងក្រុមផ្តើមគំនិតឲ្យនាងបំបៅកូនលើឆាកតែម្តង នាងក៏យល់ព្រមភ្លាម ដោយពុំមានរារែកចិត្តទេ ។
ខ្ញុំស្មានពុំដល់ថា ម្តាយនិងកូនខ្ញុំបានឡើងទំព័រមុខ នៃកាសែតនាថ្ងៃបន្ទាប់ ហើយពិតជាហួសចិត្ត! ប៉ុន្តែទោះបីយ៉ាងណាក៏ទស្សនិកជនភាគច្រើន បានផ្តល់ការគាំទ្រប្រៀបនឹងអ្នករិះគន់ដែរ ៕ បូព៌ា