ក្រៅពីប្រសិទ្ធភាពបង្ការនិងជំនួយព្យាបាលជំងឺមហារីកដោយគ្មានផលប៉ះពាល់ដល់រាងកាយ នោះគ្រាន់តែពិសាវាឱ្យបានជាប់ក្នុងរយៈពេលខ្លី នោះអ្នកអាចសម្រកទម្ងន់ដល់ទៅ៥គីឡូ(ចំពោះអ្នកលើសជាតិខ្លាញ់)។
ខ្ទឹមសមានផ្ទុកបរិមាណ allicin ច្រើន ដែលមានប្រសិទ្ធភាពកាត់បន្ថយការឃ្លានអាហារ ជួយរំលាយសារធាតុខ្លាញ់ ក៏ដូចជាទប់ស្កាត់«សកម្មភាពសន្សំខ្លាញ់ក្នុងរាងកាយ»។ គួបផ្សំជាមួយស្រាបៀរនឹងជួយឱ្យដំណើរការសម្រកទម្ងន់ប្រព្រឹត្ដទៅបានឆាប់រហ័សជាង។
របៀបធ្វើ
វត្ថុធាតុដើមត្រូវត្រៀម
-ខ្ទឹមសស្រស់១គីឡូក្រាម
-ស្រាបៀរ១កំប៉ុង
-ក្រដាសប្រាក់សម្រាប់អាំងសាច់
ឥឆ្នាំងអគ្គិសនី
របៀបអនុវត្តន៍
-លាងខ្ទឹមសឱ្យស្អាត ដោយកាត់ឫស
-យកខ្ទឹមសទាំងនោះដាក់ក្នុងចាន ហើយចាក់ស្រាបៀរចូលបន្ដិចម្ដងៗរួចត្រាំទុកប្រមាណ៣០នាទី។អំឡុងពេលនោះឧស្សាហ៍ក្រឡុកវាដើម្បីឱ្យស្រាបៀរជ្រាបចូលក្នុងខ្ទឹមស
-៣០នាទីក្រោយមកយកខ្ទឹមសទាំងអស់នោះចេញ រួចដាក់ចូលក្នុងក្រដាសប្រាក់ខ្ចប់ឱ្យជិត រួចដាក់វាចូលទៅក្នុងឆ្នាំងអគ្គិសនីចុចគន្លឹះផ្ងំបាយទុកវា២សប្ដាហ៍
ពេលដែលផ្ងំវា អ្នកគប្បីត្រួតពិនិត្យ៥ថ្ងៃម្ដង ប៉ុន្ដែនៅពេលដំបូងត្រូវពិនិត្យមើល២ថ្ងៃម្ដង។ក្រោយរយៈពេល៥ថ្ងៃ ប្រសិនបើខ្ទឹមសចាប់ផ្ដើមទៅកាន់ពណ៌ប្រផេះ រាងទន់និងជះក្លិនខ្លាំង នោះវាពិតជាឡើងមេបានល្អណាស់។រហូតដល់ថ្ងៃទី១០ ខ្ទឹមសនឹងប្ដូរទៅកាន់ពណ៌ខ្មៅទាំងស្រុង ហើយមានក្លិនក្រអូប ឱជារសជូរអែមគួរឱ្យឆ្ងាញ់ ។ អ្នកបន្ដទុកវា៥ថ្ងៃទៀតអាចពិសាបានហើយ។
របៀបប្រើ
ក្នុងមួយថ្ងៃអ្នកយកវា១មើមដើម្បីបរិភោគចែកជា២លើក គឺពេលព្រឹកនិងពេលយប់ អ្នកគ្រាន់តែបកសម្បកខាងក្រៅ ហើយបរិភោគសាច់ខាងក្នុងបានហើយ ។សាកល្បងបែបនេះពីមួយសប្ដាហ៍ទៅ១០ថ្ងៃអ្នកអាចដឹងពីប្រយោជន៍វាយ៉ាងពិតប្រាកដ ពិសេសទម្ងន់របស់អ្នកនឹងថយចុះ សំណល់សារធាតុអាក្រក់ក៏លែងមាន។ ប្រសិនមានលក្ខណៈបែបនេះអ្នកអាចបរិភោគរាល់ថ្ងៃបាន ព្រោះវាសុវត្ថិភាពនិងមិនខុសអ្វីជាមួយអាហារប្រចាំថ្ងៃរបស់យើងឡើយ។
ការធ្វើឱ្យខ្ទឹមសឡើងមេបែបនេះគេហៅថាខ្ទឹមខ្មៅ វាពិតជាមានប្រសិទ្ធភាពលើសពីខ្ទឹមសរាប់សិបដង។លើពិភពលោកគេហៅខ្ទឹមខ្មៅគឺជាឱសថទិព្វ ព្រោះវាជួយព្យាបាលជំងឺបានយ៉ាងល្អ៖ ប្រឆាំងភាពចំណាស់ បង្ការមហារីក បន្ថយcholesterol បង្ការភាពរឹងសរសៃឈាម បង្កើនប្រព័ន្ធការពារសរីរាង្គ៕
សូយន
