ការរំលោភបំពានលើកុមារនៅតែបន្តកើតមានឥតឈប់ឈរក្នុងពេលបច្ចុប្បន្ននេះ។ ហេតុនេះហើយឪពុកម្តាយដែលមានកូនតូចៗ គួរមានការប្រុងប្រយ័ត្ន និងតាមដានឲ្យបានដិតដល់ចំពោះអ្នកបំរើដែលមើលថែកូនៗរបស់ពួកគេ។
រឿងនេះបានកើតឡើងចំពោះកុមារតូចម្នាក់នៅក្នុងប្រទេសឥណ្ឌា ដែលកុមារម្នាក់នោះ ត្រូវបានមេដោះវាយធ្វើបានដោយរំពាន់ និងគំរាមសម្លុតផងដែរ។
ដោយសារតែឪពុកម្តាយរបស់ក្មេងនោះ ចេះតែឃើញមានស្នាមជានៅលើខ្លួនកូន ពួកគេក៏បានសម្រេចចិត្តដាក់បង្កប់កាមេរ៉ាសុវត្ថិភាព ហើយទីបំផុតពេលឃើញសកម្មភាពរបស់ស្ត្រីជាមេដោះ ទើបឲ្យពួកគេមានអារម្មណ៍ភ្ញាក់ផ្អើល និងមិននឹកស្មានដល់។
ស្ត្រីជាម្តាយបានថ្លែងប្រាប់អ្នកសារពត៌មានដូច្នេះថា “វាគឺជារឿងគួរឲ្យក្រៀមក្រំចិត្តណាស់ នៅពេលឃើញវីដេអូ ស្ត្រីជាមេដោះបានវាយកូនរបស់ខ្ញុំដោយរំពាត់ និងសម្លុតគំរាមក្មេងតូចបែបនេះ”។
ក្រោយពេលដឹងថា ស្ត្រីមេដោះ វាយធ្វើបានកូនពួកគេបែបនេះ ពួកគេក៏បានសម្រេចប្តឹងស្ត្រីម្នាក់នោះទៅកាន់តុលាការ ដោយសារសកម្មភាពគ្មានមនុស្សធ៌មរបស់នាង។
ស្ត្រីជាម្តាយបញ្ជាក់ថា ស្ត្រីមេដោះប្រហែលបានវាយកូនរបស់គាត់អស់ពេលជាយូរមកហើយ មុនពេលគាត់ដាក់កាមេរ៉ាសុវត្ថិភាព ព្រោះគាត់ឃើញកូនមានស្នាមជាំជាប់រហូត៕ សុភ័ក្ត្រ
ប្រភព៖ feedytv
