នៅថ្ងៃទី២០ខែកក្កដា នាយករដ្ឋមន្ដ្រីអាល្លឺម៉ង់បានអះអាងថា នៅឆ្នាំ២០១៧ អ្នកស្រីធ្លាប់បាននិយាយថា ទ្វីបអឺរ៉ុបមិនអាចនៅពឹងពាក់លើអាមេរិកដើម្បីរៀបចំសណ្ដាប់ធ្នាប់ពិភពលោកបានទៀតទេ ហើយតំបន់នេះចាំបាច់ត្រូវបង្ហាញតួនាទីធំជាងមុនក្នុងការដោះស្រាយបញ្ហាពិភពលោក។
នាយករដ្ឋមន្ដ្រីអាល្លឺម៉ង់Angela Merkel
ថ្លែងនៅក្នុងសន្និសីទសារព័ត៌មាននៅរដ្ឋធានី Berlin នាយករដ្ឋមន្ដ្រីMerkel សង្កត់ធ្ងន់ថា៖ «យើងមិនអាចបន្ដផ្អែកលើអាមេរិកបានទៀតឡើយ»។
អ្នកស្រីMerkel ឱ្យដឹងថា អាល្លឺម៉ង់និយាយដោយឡែក និងទ្វីបអឺរ៉ុបនិយាយរួម បានមានទំនាក់ទំនងជិតស្និទ្ធជាមួយអាមេរិក ពិសេសលើវិស័យពាណិជ្ជកម្ម ហើយគ្រប់ភាគីក៏បានទទួលផលប្រយោជន៍ជាច្រើនអំពីទំនាក់ទំនងនេះ ។
ប៉ុន្ដែអ្នកស្រីក៏បានសន្និដ្ឋានចំពោះទង្វើដំឡើងពន្ធនិងរបាំងពន្ធថ្មីៗនេះរបស់អាមេរិក ក្នុងនោះមានការដំឡើងពន្ធរថយន្ដគឺ ជាការគំរាមកំហែងយ៉ាងពិតប្រាកដចំពោះភាពរុងរឿងនិងផលប្រយោជន៍របស់ប្រទេសជាច្រើនលើពិភពលោក៕
សូយន