តាមអ្នកស្រី Sanders កិច្ចពិភាក្សាសម្រាប់ខ្លឹមសារនៃដំណើរទស្សនកិច្ចនេះបានត្រូវលើកឡើងក្នុងជំនួបកំពូលរុស្ស៊ី-អាមេរិកនៅHelsinki ប្រទេសហ្វាំឡង់ កាលពីថ្ងៃទី១៦កក្កដា។
ប្រធានាធិបតីអាមេរិកនិងប្រធានាធិបតីរុស្ស៊ី ក្នុងជំនួបកំពូលនៅទីក្រុង Helsinki ប្រទេសហ្វាំងឡង់ កាលពីថ្ងៃ១៦កក្កដា
ទោះបីជាមានការរិះគន់ពីសំណាក់គណបក្សធំ២របស់អាមេរិក ក៏លោកTrumpនៅតែបញ្ជាក់តាមរយៈTweeterនៅថ្ងៃទី១៩ ខែកក្កដាថា៖«នេះគឺជាជោគជ័យធំមួយ ហើយលោកកំពុងទន្ទឹងរង់ចាំជំនួបបន្ដទៀតជាមួយលោក Putin»។
លោកTrump និងលោកPutinបានពិភាក្សាក្នុងបន្ទប់បិទជិតតែពីរនាក់និងអ្នកបកប្រែប៉ុណ្ណោះ។
តំណាងរាស្ដ្រអាមេរិកជាច្រើននាក់បានសំណូមពរឱ្យអ្នកបកប្រែចូលមកកាន់សវនាការសភា ដើម្បីបានដឹងពីរឿងរ៉ាវលំអិតនៃជំនួបនេះ ក្នុងពេលដែលលោកTrumpលើកឡើងថា ប្រព័ន្ធផ្សព្វផ្សាយបានលើកឡើងអំពីព័ត៌មានក្លែងក្លាយស្ដីពីលទ្ធផលនៃជំនួបនេះ៕
សូយន
