នៅថ្ងៃទី២០ខែកក្កដា ជប៉ុនបានអនុម័តច្បាប់ឱ្យបើកអាជីវកម្មកាស៊ីណូ។
កាស៊ីណូនឹងត្រូវបានអនុញ្ញាតឱ្យធ្វើអាជីវកម្មនៅតំបន់លំហែកមន្សាន្ដចម្រុះ
តាមKyodo Newសភាជប៉ុនបានអនុញ្ញាតច្បាប់ ទោះបីជាពើបប្រទះនូវការរិះគន់យ៉ាងខ្លាំងពីសំណាក់គណបក្សប្រឆាំង។សភាជាន់ទាបជប៉ុនបានអនុញ្ញាតច្បាប់នេះកាលពីខែមុន ហើយព្រឹទ្ធសភាជប៉ុនទើបអនុម័តកាលពីម្សិលមិញនេះ។ក្រោយពេលអនុម័ត ច្បាប់នេះនឹងអនុញ្ញាតឱ្យបង្កើតកាស៊ីណូនៅតំបន់លំហែកម្សាន្ដចម្រុះចំនួន៣ ដែលរួមមានទាំងសណ្ឋគារ សាលប្រជុំនិងមជ្ឈមណ្ឌលពាណិជ្ជកម្ម។
តំបន់លំហែកម្សាន្ដដំបូងនឹងត្រូវបានសម្ពោធពីពេលនេះរហូតឆ្នាំ២០២០ ក្រោយពេលដែលរដ្ឋាភិបាលជ្រើសរើសយកទីតាំង សមស្រប មានទីតាំងជម្រើស៤គឺ Nagasaki, Osaka, WakayamaនិងHokkaido ។
តាមនាយករដ្ឋមន្ដ្រីជប៉ុន Abe នោះការអនុញ្ញាតច្បាប់នេះនឹងទាក់ទាញភ្ញៀវទេសចរ ក៏ដូចជាធ្វើឱ្យមានការរីកចម្រើនផ្នែកសេដ្ឋកិច្ចនៅជាយរដ្ឋធានីតូក្យូ៕
សូយន