ប្រមុខការទូតអាមេរិកនិយាយថា គេមានភស្ដុតាងគ្រប់គ្រាន់ដែលកូរ៉េខាងជើងទទួលបានប្រេងឥន្ធនៈលួចលាក់ ហើយអំនាវនាវឱ្យកូរ៉េនិងចិនកុំបំពានបទបញ្ជាដាក់ទណ្ឌកម្មលើប្រទេសនេះ។
ប្រមុខការទូតអាមេរិកនៅស្នាក់ការអង្គការសហប្រជាជាតិ កាលពីថ្ងៃ២០កក្កដា
ប្រមុខការទូតអាមេរិក Mike Pompeo បានថ្លែងនៅស្នាក់ការUN នាបុរីញូវយ៉ក កាលពីថ្ងៃ២០កក្កដាថា រុស្ស៊ីនិងចិនគប្បីបន្ដអនុវត្តន៍ការដាក់ទណ្ឌកម្មដែលអង្គការសហប្រជាជាតិបានអនុម័តចំពោះកូរ៉េខាងជើងឱ្យបានត្រឹមត្រូវ។
ទន្ទឹមនោះអាមេរិកក៏ប្រកាសឱ្យដឹងពីព័ត៌មានចារកម្មបង្ហាញឱ្យឃើញមានករណីដឹកជញ្ជូនប្រេងយ៉ាងតិច៨៩លើកក្នុងចន្លោះពី ថ្ងៃទី១ខែមករាដល់ថ្ងៃទី៣០ខែឧសភាទៅកាន់តំបន់សមុទ្រអន្ដរជាតិក្បែរកូរ៉េខាងជើង ហើយដែលវាមានចំនួនលើសពីកូតាកំណត់គឺ500.000ធុងប្រេង។
លោកMike Pompeo សង្កត់ធ្ងន់ថា ការអនុវត្តយ៉ាងម៉ត់ចត់នូវបណ្ដាវិធានការដាក់ទណ្ឌកម្មគឺជាកត្ដាដ៏សំខាន់ដើម្បីសម្រេចឱ្យបានគោលដៅរំសាយនុយក្លេអ៊ែនៅកូរ៉េខាងជើង។
គួរកត់សម្គាល់ថា រុស្ស៊ីនិងចិនដែលជាអ្នកផ្គត់ផ្គង់ប្រេងទៅឱ្យកូរ៉េខាងជើងជាយូរមកហើយ និងឆ្លើយថាពួកគេត្រូវការពេលវេលាដើម្បីស៊ើបបញ្ជាក់ការចោទប្រកាន់របស់អាមេរិក៕
សូយន