ករណីធ្វើអត្តឃាតមួយ ដែលបានកើតឡើង និងធ្វើឲ្យមានការភ្ញាក់ផ្អើលពេញផ្ទៃប្រទេស ត្រូវបានគេរាយការណ៍ថា ជាករណីរបស់ស្ត្រីម្នាក់ដែលបានធ្លាក់រហូតស្លាប់ ពីអគារផ្សារទំនើបមួយនៅក្នុងសង្កាត់ Pasir Puteh, ទីក្រុង Ipoh ប្រទេសម៉ាឡេស៊ី កាលពីថ្ងៃទី១៩ ខែកក្កដា ឆ្នាំ២០១៨ ។ នេះបើតាមសេចក្តីរាយការណ៍របស់ Berita Harian ។
ស្ត្រីជនរងគ្រោះមានឈ្មោះ Liew Kit Mooi អាយុ ៣៦ ឆ្នាំ ត្រូវបានគេរាយការណ៍ថា ត្រូវបានរកឃើញដោយមនុស្សនៅជុំវិញតំបន់នោះ នៅប្រហែលម៉ោង ៣ រសៀល ហើយពួកគេបានរាយការណ៍ទៅប៉ូលីសភ្លាមៗ នៅពេលរកឃើញសាកសពរបស់នាង ។ មេប៉ូលិស Ipoh លោក Mohd Ali Tamby បាននិយាយថា Liew បានធ្លាក់ពីជាន់ទី៥ នៃអគារផ្សារទំនើបនោះ ហើយលោកបានជឿថា ករណីនេះមិនមានជារឿងអាក្រក់អ្វីផ្សេងទេ ពីព្រោះសាក្សីជាច្រើនបានឃើញ Liew បានធ្លាក់ពីអគារនេះពិតប្រាកដមែន ។
Diew ដែលធ្វើការជាគ្រូបង្រៀន បានទៅផ្សារទំនើបនោះ បន្ទាប់ពីបានជូនកូនៗរបស់នាងទៅសាលារៀននៅឯ Pekan Lama ។ លោក Ali បានចែករំលែកថា សន្តិសុខម្នាក់ដែលបានធ្វើការនៅទីនោះបានឃើញនាង ហើយបានព្យាយាមបញ្ឈប់សកម្មភាពដើរក្រឡឹងគួរឲ្យព្រួយបារម្ភ នៅជុំវិញទីកន្លែងដែលនាងលោតចុះ ។ ទោះជាយ៉ាងណាក៏ដោយ ការខិតខំប្រឹងប្រែងរបស់គាត់ឥតប្រយោជន៍ទេ ព្រោះនៅទីបំផុត Liew លោតសម្លាប់ខ្លួនទាល់តែបានបែបនេះ ។
ទាក់ទងនឹងករណីនេះ ត្រូវបានគេបញ្ចេញឲ្យដឹងថា Liew បាននិងកំពុងទទួលរងពីជំងឺធ្លាក់ទឹកចិត្តខ្លាំង ។ ហើយរឿងនេះត្រូវបានប្តីរបស់នាងបញ្ជាក់ថា នាងបានទទួលការព្យាបាលនៅមន្ទីរពេទ្យមួយ កាលពីសប្តាហ៍មុន ។ ហេតុដូច្នេះ គាត់ពុំអាចស្តីបន្ទោសនរណាម្នាក់ ចំពោះការស្លាប់ប្រពន្ធរបស់គាត់ទេ ។
គាត់ក៏បានជឿថា ប្រពន្ធរបស់គាត់ បានដើរឆ្លងកាត់ផ្លូវជាច្រើន នៅពេល Liew ពុំអាចទ្រាំទ្រនឹងបន្ទុកការងាររបស់គាត់ នៅពេលនាងកំពុងប្រយុទ្ធប្រឆាំងនឹងជំងឺធ្លាក់ទឹកចិត្តនេះ ។ រហូតមកទល់ពេលនេះ សាកសពរបស់ Liew ត្រូវបានដឹកយកទៅកាន់មន្ទីរពេទ្យ Raja Permaisuri Bainun (HRPB) ដើម្បីធ្វើកោសល្យវិច្ច័យបន្ថែម មុនពេលក្រុមគ្រួសារនាំយកទៅធ្វើបុណ្យតាមប្រពៃណី ៕ ឧត្តម (ប្រភព៖ Worldofbuzz)