នៅពីមុខចំណោមមនុស្សធ្វើជាសាក្សី បុរសស្លៀកខោអាវខ្មៅបិទមុខជិត បានយារខ្សែតីវ័ធលើស្ដ្រីម្នាក់កំពុងលុតជង្គង់ពីមុខ។
តាមThe Sun ចុះផ្សាយថ្ងៃទី២០ ខែកក្កដា ឱ្យដឹងថា ស្ដ្រីម្នាក់ត្រូវបានគេឱ្យលុតជង្គង់នៅលើឆាកនិងរង៣០ខ្សែតី ព្រោះតែនាងបានទំនាក់ទំនងផ្លូវភេទមុនពេលរៀបការ ដែលជារឿងត្រូវហាមឃាត់ក្នុងច្បាប់អ៊ិស្លាម Sharia។
រៀងរាល់ដែលប្រកាច់ដោយឈឺចាប់ព្រោះខ្សែតី នាងបានបើកភ្នែកសម្លឹងមើលជុំវិញហាក់ដូចជាអង្វរករឱ្យគេជួយ។ប៉ុន្ដែហ្វូងមនុស្សដែលអង្គុយជុំវិញពុំមានបង្ហាញក្ដីអាណិតអាសូរសូម្បីបន្ដិច ហើយថែមទាំងនាំគ្នាយកទូរស័ព្ទមកថតទុកទៀតផង។
ហេតុការណ៍នេះកើតឡើងនៅ Aceh ដែលជាខេត្ដមួយគត់នាប្រទេសឥណ្ឌូណេស៊ីដែលនៅបន្ដច្បាប់អ៊ិស្លាម Sharia។មិត្ដប្រុសរបស់ស្ដ្រីខាងលើក៏រងទណ្ឌកម្មដូចស្ដ្រីនេះដែរ។
គួររម្លឹកថា ច្បាប់អ៊ិស្លាម Sharia ហាមឃាត់ការរួមភេទក្រៅអាពាហ៍ពិពាហ៍ និងការរួមភេទដូចគ្នា។សប្ដាហ៍មុនមនុស្សស្រឡាញ់ភេទដូចគ្នានៅខេត្តនេះក៏រងនូវទណ្ឌកម្មខ្សែតីបន្ទាប់ពីគេដឹង៕
សូយន