ផ្លែពោតបារាំងមានផ្ទុកសារធាតុរំអិល -មានប្រសិទ្ធភាពទម្លាក់កម្រិតជាតិស្ករ ជួយព្យាបាលរោគទឹកនោមផ្អែម ។
បណ្ឌិត Vo Vanchi អ្នកនិពន្ធសៀវភៅរុក្ខជាតិឱសថវៀតណាមឲ្យដឹងថា ក្រៅពីយកវាមកធ្វើអាហារនោះ ពោតបារាំងសម្បូរដោយសារធាតុ Pectin ជាតិរំអិល ដែក និងកាល់ស្យូម ។ ពេលនៅស្រស់វាមានផ្ទុក thiamin, riboflavin, axit ascorbic និង niacin។ សារធាតុរំអិល មិនកំណត់ទ្រង់ទ្រាយបាន មានទម្ងន់ប៉ូលេគុលប្រមាណ ១៥.០០០ បរិមាណប្រូតេអ៊ីន ប្រមាណ ៩% ។ សារធាតុនេះឯងមានប្រយោជន៍ផ្ទាល់ដល់ការទម្លាក់ជាតិស្ករ ព្យាបាលររោគទឹកនោមផ្អែម ។
នៅក្នុងវិស័យឱសថបុរាណ វាគឺជាវត្ថុធាតុដើមសម្រាប់ផលិតឱសថ ។ ផ្លែ ស្លឹក គ្រាប់ របស់វាសុទ្ធសឹងជាថ្នាំ ពិសេសគឺជាតិរំអិលតែម្តង ។ បណ្ឌិតរូបនេះណែនាំអំពីវិធីប្រើប្រាស់ពោតបារាំងដើម្បីព្យាបាលរោគទឹកនោមផ្អែមគឺ ៖
-យកពោតបារាំង ៥០០gr (កន្លះគីឡូ) ស្រស់ ឬ 100gr ហាល់ស្ងួត ហាន់វាជាចំណិតតូចៗ លាយជាមួយទឹក 2 លីត្រ ដាំឲ្យនៅសល់ទឹក១លីត្រ សម្រាប់ផឹកវាក្នុង១ថ្ងៃ ។ ធ្វើបែបនេះ ក្នុងរយៈពេល ២សប្តាហ៍ នោះជាតិស្ករក្នុងឈាមនឹងស្ថិរភាពឡើងវិញ ។
-យកពោតបារាំង ២ផ្លែ កាត់ក្បាល ចុងចោល រួចពុំបណ្តោយផ្លែវាជា ២ ។ យកវាដាក់ត្រាំក្នុងកែវទឹកបិទគម្របឲ្យជិត ទុកមួយយប់ ។ មុនពេលបរិភោគអាហារពេលព្រឹកយកផ្លែវាចេញ រួចផឹកទឹកក្នុងកែវឲ្យអស់ ។
ធ្វើបែបនេះជាប្រចាំ ដើម្បីបង្ការកុំឲ្យជាតិស្ករកើនឡើងវិញ ៕ បូព៌ា