ភ្នំពេញ៖អគ្គីភ័យឆាបឆេះផ្ទះឈើមួយកន្លែងយ៉ាងសន្ធោសន្ធៅអស់ស្ទើរទាំងស្រុងទោះបីសមត្ថកិច្ចនិងអាជ្ញាធរជួយពន្លត់ទាន់ពេលយ៉ាងណាក៏ដោយតែសំណាងល្អមិនមានអ្នកណាម្នាក់រងរបួសនោះទេ។អគ្គីភ័យខាងលើនេះកើតឡើងនៅម៉ោងជិត៨យប់ថ្ងៃទី១៧ ខែ វិច្ឆិកា ឆ្នាំ២០១៧ នៅក្នុងក្រុម១៩ ភូមិ៩ សង្កាត់បឹងកេងកង៣ ខណ្ឌចំការមន ។
អ្នកភូមិឱ្យដឹងថា៖ភ្លាមៗនោះប្រជាពលរដ្ឋបាននាំគ្នាទាក់ទងរថយន្ដពន្លត់អោយមកបាញ់ពន្លត់ ប៉ុន្ដែដោយអគ្គីភ័យនេះមានស្ថានភាពឆេះធំពេករថយន្ដពិបាកនិងចូលបាញ់ពន្លត់ដោយផ្លូវតូចមិនអាចចូលបានមានតែទាញទុយយោទៅបាញ់ទំរាំបានបាញ់អគ្គីភ័យបានឆាបឆេះស្ទើរទាំងស្រុងទៅហើយ។ ជាមួយគ្នានោះប្រជាពលរដ្ឋនៅក្បែរនោះបានប្រាប់ដឹង៖ថាមុនពេលកើតហេតុប្ដីប្រពន្ធពីរនាក់ឈ្លោះប្រកែកគ្នាហើយបានយកដបសាំងមកដុតអាវបណ្ដាលឱ្យឆាបឆេះរាលដាលដល់ដបសាំងទើបបណ្តាលឱ្យឆេះពីផ្ទះរបស់គាត់មុនគេរួចរាលដាលដល់ផ្ទះជិតខាងតែម្ដង។
គួរបញ្ជាក់ផងដែរថា៖អគ្គីភ័យខាងលើបានបំផ្លាញ ទ្រព្យស ម្បត្ដិដែលនៅក្នុងផ្ទះគឺគ្មានយកអ្វីបាននោះទេ ត្រូវបានឆេះខ្ទេចខ្ទីរគ្មានសល់ ។ក្នុងប្រត្តិបត្តិការនេះកម្លាំងនគរបាលផ្នែកពន្លត់អគ្គីភ័យបានប្រើប្រាស់រថយន្តជាច្រើនគ្រឿង៕ ដោយ៖កូឡាប
