ក្រោយពេលលោក ចាន់ សម័យ ត្រូវបានបង្ហាញមុខសារជាថ្មីបន្ទាប់ពីលាក់ខ្លួនរយៈពេលប្រហែល ១០ឆ្នាំមកនេះ លោកបានទទួលការងារមួយចំនួនដូចជាច្រៀង និងចូលរួមជាមួយក្រុមហ៊ុនអចលនៈទ្រព្យមួយ មិនត្រឹមតែប៉ុណ្ណោះខាងមុខនេះ លោកនឹងមានឱកាសបានទៅច្រៀងនៅប្រទេសបារាំង ថែមទៀតផង ។
លោក ចាន់ សម័យ បានប្រាប់ឱ្យដឹងថា បច្ចុប្បន្នលោកធ្វើជាមួយក្រុមហ៊ុនអចលនៈទ្រព្យមួយរហូតដល់ចុងខែនេះ ប៉ុន្តែមិនបានប៉ះពាល់ដល់សុខភាពលោកឡើយ ព្រោះលេបថ្នាំជាប្រចាំ ។ លោកបានបន្តថា នាពេលខាងមុខ សមាគមន៍ប្រចាំប្រទេសបារាំង ថែមទាំងបានហៅលោក ឱ្យចេញទៅសម្ដែង នៅប្រទេសបារាំងទៀតផង ដែលនេះជាឱកាសល្អបំផុតមួយ ដែលអាចជួយដល់ជីវភាពដែលកំពុងលំបាកដូចសព្វថ្ងៃនេះ ៕ សាវុធ