ព្រះស៊ីហនុ ៖ វេលាម៉ោង ១៤ ថ្ងៃទី២២ ខែកក្កដា ឆ្នាំ២០១៨ ការិយាល័យបទល្មើសព្រហ្មទណ្ឌ បានបញ្ជូនជនសង្ស័យ ឈ្មោះ ស្តើង ចិន្តា ភេទប្រុស អាយុ ៣០ឆ្នាំ មុខរបរសន្តិសុខ មានទីលំនៅបណ្ដោះអាសន្នភូមិ៣ សង្កាត់៣ ក្រុងព្រះសីហនុ ខេត្តព្រះសីហនុ ពីបទប្រើប្រាស់ឯកសណ្ឋាន ដើម្បីបន្លំខ្លួនជាមន្ត្រីកងរាជអាវុធហត្ថ និងបទញុះញ៉ង់ឲ្យប្រព្រឹត្តបទឧក្រិដ្ឋជាអាទិ៍។
បើតាមអាវុធហត្ថលើផ្ទៃប្រទេស បានបញ្ជាក់ថា កម្លាំងបានដកហូតវត្ថុតាងមួយចំនួនមាន អាវយឺតពណ៌ខៀវ បិតឡូហ្គោ អ.ហចំនួន ០១, ឯកសណ្ឋានពណ៌ត្រេអ៊ី ០១ឈុត, វិទ្យុទាក់ទងចំនួន ០៣ គ្រឿង(ខូច), ខ្សែសានដឺរ៉ុង ០២ខ្សែ, ខ្សែកញ្ច្រែ ០៣ខ្សែ, ខ្នោះដៃ ០១ និងទូរស័ព្ទ ០១គ្រឿង។
បច្ចុប្បន្ន ជនសង្ស័តត្រូវបានមន្ត្រីជំនាញ កងរាជអាវុធហត្ថខេត្តព្រះសីហនុ កសាងសំណុំរឿងបញ្ជូនទៅសាលាដំបូងខេត្ត៕ ដោយ៖បញ្ញាស័ក្តិ
