ឃ្លីបតែ៤នាទីប៉ុណ្ណោះ តែវាបានធ្វើឲ្យអ្នកទស្សនាខឹងហើយ ហើយកាន់តែខឹងទៀត ។ ទិដ្ឋភាពនេះត្រូវបានកាមេរ៉ាសុវត្ថិភាពថតបាន ហើយគេពុំទាន់ដឹងថា បានកើតឡើងនៅកន្លែងណា ឬរឿងអ្វីទេ ។
… នារីម្នាក់បានត្រូវយុវជន “ដើមទ្រូង៥ហត្ថ” លើកដៃវាយដោយពុំមានលទ្ធភាពតបត ព្រោះហាក់ដូចជានាងបានត្រូវបុរសរូបនោះវាយយ៉ាងដំណំមុននោះម្លេះ… ។
មុខរបស់នាងពោរពេញដោយឈាម ។
… មានយុវជន ២-៣នាក់ ប្រហែលជាឮសូរស្នូរចម្លែកក៏នាំគ្នារត់មកមើល ប៉ុន្តែទោះបីនារីរងគ្រោះលើកដៃបោយសុំជំនួយក្តី តែអា៣នាក់នេះ “រួញពង” អស់សូម្បីតែបើកទ្វារឲ្យនាងចូលនោះក៏មិនហ៊ាន ។
ពួក៣នាក់នេះ បានត្រឹមឈរ “ទស្សនា” ហើយមានប្រតិកម្មខឹងសម្បារយ៉ាងខ្លាំង ហើយខណៈពេលស្របគ្នានោះមាន “អាឈ្មោល” ម្នាក់ទៀត បែរជា “រវល់” ទាញទូរស័ព្ទមកថត… ។
នារីរូបនេះបានចេញមុខអន្តរាគមន៍យ៉ាងក្លាហាន ទោះបីពុំដឹងថារឿងរ៉ាវអ្វីកើតឡើង ប៉ុន្តែបុរសម្នាក់ដែលលើកដៃវាយលើនារីភេទទន់ខ្សោយ វាជារឿងពុំគប្បី ហើយអ្នកផងគួរ “មានចិត្ត” ពិសេសប្រុសដុះកុយដល់ទៅ៣នាក់ឯណោះ ។
សាច់រឿងនេះយ៉ាប់បំផុតគឺអាឈ្មោលៗ មានវត្តមានក្នុងឃ្លីបតែម្តង ។ ចន្ទ្រា
