ពេលនេះ ពិធីការិនី និងជាតារាសម្ដែងល្បីឈ្មោះ ដួង ហ្សូលីដា កំពុងជួបរឿងស្មុគស្មាញ ដោយសារស្ថានភាពជំងឺរបស់ម្ដាយជាទីស្រលាញ់មិនសូវល្អ ដូចនេះត្រូវបង្ខំចិត្តបញ្ជូនទៅព្យាបាលនៅមន្ទីរពេទ្យឯកជនមួយក្នុងប្រទេសថៃទាំងយប់ ។
យោងតាមការសរសេរនៅលើគណនីហ្វេសប៊ុករបស់ ប្រធានក្រុមបង្ហាញម៉ូដSuper Model រូបនេះបានឱ្យដឹងយ៉ាងដូច្នេះថា «គ្មានពាក្យថាហត់នឿយទេ សម្រាប់អ្នកម្ដាយតែម្នាក់គត់ ទោះត្រូវប្តូរជីវិត…! សូមឲ្យទេវតាជួយតាមថែរក្សាអ្នកម្ដាយរបស់ខ្ញុំឲ្យជាសះស្បើយពីរោគាទាំងឡាយផង» ។
សូមបញ្ជាក់ថា បើតាមការបញ្ជាក់របស់កញា ដួង ហ្សូលីដា បានឱ្យដឹងថែមទៀតថា អ្នកម្ដាយរបស់កញាមានវ័យ ៥២ឆ្នាំ និងកំពុងមានជំងឺទឹកនោមផ្អែម ព្រមទាំងលើសជាតិស្ករខ្លាំងផងដែរ ហើយមកទល់ថ្ងៃទី ២៣នេះ ស្ថានភាពម្ដាយរបស់កញា បានធូស្រាលហើយ ក្រោយពីទៅដល់មន្ទីរពេទ្យឯប្រទេសថៃ ៕ សាវុធ