ប្រធានរដ្ឋចិន Xi Jinping បានសម្រេចផ្ដល់ជំនួយថ្មីឱ្យSri Lanka ដែលមានទឹកប្រាក់២៩៥លានដុល្លារបំណងស្វែងរកវិធីពង្រីកឥទ្ធិពលរបស់ខ្លួន។
ប្រធានរដ្ឋចិន Xi Jinping ក្នុងដំណើរទស្សនកិច្ចនៅ Dakar, Senegal
Reuters ដែលដកស្រង់សម្ដីប្រធានាធិបតីSri Lanka Maithripala Sirisenaថ្លែងថា«នៅពេលដែលឯកអគ្គរដ្ឋទូតចិនមកសួរសុខទុក្ខខ្ញុំនៅផ្ទះដើម្បីកំណត់ថ្ងៃព្រឹតិ្ដការណ៍នេះ លោកបានប្រាប់ខ្ញុំថា ប្រធានរដ្ឋXi Jinping បានផ្ញើឱ្យខ្ញុំទឹកប្រាក់២០០០លានយាន់(២៩៥លានដុល្លារ)សម្រាប់យកទៅប្រើប្រាស់ក្នុងគម្រោងណាមួយដែលខ្ញុំចង់បាន។ខ្ញុំនឹងបញ្ជូនតាមរយៈឯកអគ្គរដ្ឋទូតចិននូវសំណើសាងសង់អគារនៅតាមបណ្ដាតំបន់បោះឆ្នោតលើផ្ទៃប្រទេស។
ខ្ទង់ប្រាក់ជំនួយត្រូវបានលើកឡើងខណៈពេលដែលក្រុមហ៊ុនចិនមួយកំពុងប្រឈមនឹងការរិះគន់យ៉ាងខ្លាំងក្លាថាបានផ្ដល់លុយឱ្យអតីតប្រធានាធិបតី Mahinda Rajapaksa ក្នុងយុទ្ធនាការស្វែងរកសន្លឹកឆ្នោត។
Maithripala Sirisena នៅដើមអាណត្ដិនេះបានផ្អាកគម្រោងហេដ្ឋារចនាសម្ព័ន្ធស្ទើរតែទាំងអស់ ព្រោះតែសង្ស័យថាមានអំពើពុករលួយបង្កើនតម្លៃលើសពីការពិត មើលស្រាលការងាររបស់រដ្ឋាភិបាល។ ប៉ុន្ដែជាងមួយឆ្នាំក្រោយមក រដ្ឋាភិបាលរបស់លោកបានអនុញ្ញាតឱ្យបន្ដគ្រោងការណ៍មួយចំនួនរបស់ចិន បន្ទាប់ពីធ្វើការកែសម្រួលគ្រោងការណ៍មួយចំនួន៕
សូយន