ខណៈពេលដែលគេបញ្ឈប់រថយន្ដដើម្បីត្រួតលិខិតអនុញ្ញាត អ្នកលក់ផ្លែឈើបានផ្ទុះកំហឹង ហើយចាប់ឳឡឹកទម្លាក់ពីលើឡានមកលើថ្នល់នៅចំពោះមុខភ្នាក់ងារគ្រប់គ្រងនៅទីផ្សារ។
ឈ្មួញចិនបោកឳឡឹកចោល
ភ្នាក់ងារគ្រប់គ្រងទីផ្សារទីក្រុងគីងហួ, ខេត្តចឺជាំង ប្រទេសចិន កាលពីថ្ងៃទី១៨ ខែកក្កដា បានធ្វើការត្រួតពិនិត្យរថយន្ដដឹកឳឡឹករបស់ឈ្មួញឈ្មោះហ្គាវ ដែលជាឈ្មួញលក់ផ្លែឈើ ព្រោះសង្ស័យថាគាត់ពុំមានលិខិតអនុញ្ញាតធ្វើអាជីកម្ម។
ប៉ុន្ដែឈ្មួញរូបនេះបែរជាផ្ទុះកំហឹង រួចឈរលើរថយន្ដរបស់ខ្លួនចាប់ឳឡឹកបោកចុះលើថ្នល់ជាបន្ដបន្ទាប់ ពេលខ្លះហ្គាវ ចង់គប់ចំក្បាលបណ្ដាភ្នាក់ងារអនុវត្ដន៍ទាំងនោះថែមទៀតផង។
ក្រុមមន្ដ្រីគ្រប់គ្រងទីផ្សារប្រឹងប្រែងស្វែងរកវិធីក្រើនរម្លឹកហ្គាវ ប៉ុន្ដែបុរសរូបនេះហាក់ដូចជាពុំគ្រប់គ្រងអារម្មណ៍ខ្លួនឯងបាន នៅតែបន្ដចាប់បោកឪឡឹកអស់ជាងពាក់កណ្ដាលឡាន។
ក្រោយមកហ្គាវ ត្រូវបានគេនាំទៅកាន់ប៉ុស្ដិ៍ប៉ូលិសដើម្បីបកស្រាយទង្វើរបស់ខ្លួន៕
សូយន