ដោយគិតថាសន្លឹកឆ្នោតនេះខុស បុរសម្នាក់នៅ Carolinaខាងជើងបានបោះសន្លឹកឆ្នោតលើកម្រាលជើងក្នុងរថយន្ដ ប៉ុន្មានថ្ងៃក្រោយមកទើបលោកដឹងថាប៊ិះបាត់អស់១លានដុល្លារ។
James Strickland ឱ្យដឹងថា លោកបានទិញសន្លឹកឆ្នោត Extreme Millions ពីហាងទំនិញមួយនៅទីក្រុងThomasville ហើយបានបោះចោលលើកម្រាលរថយន្ដ ព្រោះគិតថាវាមិនត្រូវ។លោកបានឱ្យដឹងថា ខ្លូនតែងទម្លាប់ធ្វើបែបនេះ។
នៅថ្ងៃចុងសប្ដាហ៍ ព្រោះទំនេរមិនដឹងធ្វើអ្វី ក៏ប្រមូលសន្លឹកឆ្នោតដែលខុសនៅលើកម្រាលជើងរថយន្ដពិនិត្យមើលម្ដងទៀត។ស្រាប់តែក្នុងចំណោមសន្លឹកឆ្នោតទាំងនោះមានសន្លឹកឆ្នោតត្រូវបានប្រាក់១លានដុល្លារ។ ខ្ញុំពិតជាត្រេកអរឡើងញ័រអស់សព្វរាងកាយ ព្រោះថា១លានដុល្លារអាចធ្វើឱ្យមានការប្រែប្រួលយ៉ាងច្រើនក្នុងជីវិត។
James Strickland និងភរិយាបានទៅបើកលុយផ្ដាច់ចំនួន 423.014 USD បន្ទាប់ពីកាត់ពន្ធចេញ៕
លីសា