នារីម្នាក់នៅក្នុងប្រទេសថៃ ត្រូវបានដៃគូខ្ទើយរបស់នាង ប្រើអំពើហិង្សាដ៏សាហាវឃោរឃៅ ខណៈអ្នកនៅក្បែរបានត្រឹមឱបដៃឈរមើល គ្មានចិត្តជួយសោះឡើយ ។
រឿងរ៉ាវបានចាប់ផ្តើម នៅពេលដែលខាងស្រី បានដើរទៅកាន់ដៃគូខ្ទើយរបស់នាង ដែលកំពុងអង្គុយនៅខឿន នៃអគារផ្ទះល្វែងមួយ ។ បន្ទាប់ពីបានដើរទៅដល់ នារីនោះក៏បានសួរនាំខ្ទើយដើរតួជាមិត្តប្រុសរបស់នាង អំពីរឿងអ្វីមួយ ។ ប៉ុន្តែ ជាការឆ្លើយតប ស្រាប់តែខ្ទើយនោះដាល់ទៅមិត្តស្រីខ្លួនចំកណ្តាលមុខ១ដៃ ហើយភ្លាមៗនោះ ខាងស្រីក៏បានដាល់ទៅវិញ១ដៃ ។
នៅក្នុងវីដេអូ២ដាច់ដោយឡែកពីគ្នា បានបង្ហាញនារីរងគ្រោះ ត្រូវបានអូស និងវាយផ្តួលទៅនឹងដី និងបោកផ្ទប់នឹងជញ្ជាំងផ្ទះ ។
ដៃគូរបស់នាងមិនឈប់ប្រើអំពើហិង្សានៅទីនោះ ទោះបីជាមិត្តស្រីខ្លួនដេកដួលទៅនឹងដៃលែងកម្រើកក៏ដោយ ។ ស្រីខ្ទើយនោះបានបន្តទាត់ធាក់លើខ្លួនប្រាណនាង និងសូម្បីយកជើងធាក់លើផ្ទៃមុខ និងតំបន់ពោះរបស់នាងយ៉ាងសាហាវបំផុត ។
នារីរងគ្រោះបន្ទាប់មក ត្រូវបានអូសទៅកាន់កន្លែងដើម នៃមាត់ច្រកចូល ។ ប៉ុន្តែ គេពិតជាមានការហួសចិត្តយ៉ាងខ្លាំង ខណៈពេលដែលនៅទីនោះ ភាគច្រើនជាប្រុសៗ បានត្រឹមឈរមើល ដោយគ្មានចិត្តជួយនាងឡើយ ។
នារីរងគ្រោះ ត្រូវបានឃើញលើកដៃសំពះឲ្យពួកគេជួយ ប៉ុន្តែ ប្រុសអត់ចិត្តទាំងនោះ ពុំបើកទ្វារចេញមកជួយនាងទេ ។ នាងសំណាងហើយ ដែលបាននារីម្នាក់បានចូលមកដល់ និងចាប់ផ្តើមអន្តរាគមន៍ ទើបពួកបុរសៗទាំងនោះក៏ចេញមកមើល ដែលធ្វើឲ្យខ្ទើយរូបនោះឈប់សកម្មភាពហិង្សាដ៏សាហាវរបស់ខ្លួន និងជិះម៉ូតចេញទៅ ។
ទោះយ៉ាងណា នៅថ្ងៃស្អែក ខ្ទើយដើរតួជាមិត្តប្រុសដ៏កំណាចនេះ ត្រូវបានប៉ូលីសចាប់ខ្លួន ពីបទប្រើអំពើហិង្សាដ៏សាហាវឃោរឃៅនេះ ៕ ឧត្តម