កំពូលតារាចម្រៀង ព្រាប សុវត្ថិ ត្រូវបានអ្នកគាំទ្រជាច្រើន និយាយគ្នាថា ជាតារាចម្រៀងម្នាក់ ដែលមានសមត្ថិភាពសម្ដែបានសក្ដិសមឥតខ្ចោះ ជាពិសេសសម្រាប់តួអង្គអ្នកស្រែចំការ ដែលការស្លៀកពាក់ និងកាយវិការរបស់លោក ពិតជាសមគ្មានទាស់តែម្ដង ជាក់ស្ដែងដូចជាបទចម្រៀងរបស់លោកកាលពីជាង ១០ឆ្នាំមុន ដូចជាបទ «ម្អមស្រែ» «បើកសៀវភៅឃើញស្នេហ៍» «សន្យាស្រុកស្រែ» «ស្នាមនង្គ័លស្នេហ៍»…និងមានបទចម្រៀងជាច្រើនបទទៀត ដែលជាបទបែបមនោសញ្ចេតនាបែបស្រុកស្រែ និងទទួលបានការគាំទ្រខ្លាំងបំផុត ។
ងាកមកមើលថ្មីៗនេះដែរ អ្នកគាំទ្របានចាប់អារម្មណ៍ជាថ្មី ខណៈដែលបានឃើញលោក ព្រាប សុវត្ថិ និង កញ្ញា នៅ សុនីតា ស្លៀកពាក់ជាជីវភាពបងប្អូនជនបទ អង្គុយតាមមាត់បឹង ដែលមើលទៅពិតជាធ្វើឱ្យមានអារម្មណ៍នឹកដល់ ទឹកដីស្រែចំការខ្លាំងណាស់ ។
សម្រាប់សកម្មភាពខាងលើ ត្រូវបានគេដឹងថា ជាសកម្មភាពនៅក្នុងវីដេអូបទចម្រៀងថ្មីរបស់លោក ព្រាប សុវត្ថិ ក្នុងផលិតកម្មរស្មីហង្សមាស ៕ សាវុធ