ថ្លែងទៅកាន់អតីតយុទ្ធជនអាមេរិកក្នុងព្រឹត្ដិការណ៍មួយនៅ Kansas រដ្ឋ Missouri ប្រធានាធិបតី Donald Trump អះអាងថា រូបភាពពីផ្កាយរណបថ្មីៗនេះបានបង្ហាញឱ្យឃើញកូរ៉េខាងជើងបានចាប់ផ្ដើមដំណើរការរើរុះចោលទីលានសាកល្បងកាំជ្រួចសំខាន់បំផុតរបស់ខ្លួន ហើយរដ្ឋការអាមេរិកវាយតម្លៃខ្ពស់ចំពោះសកម្មភាពនេះ។
រូបភាពផ្កាយរណបបង្ហាញឱ្យឃើញកូរ៉េខាងជើងចាប់ផ្ដើមរុះរើមូលដ្ឋានសាកល្បងកាំជ្រួចអន្ដរទ្វីប
ថ្លែងក្នុងសន្និសីទសារព័ត៌មានក្រោយជំនួបសមភាគីអូស្ដ្រាលី ប្រមុខការទូត Pompeo បានលើកឡើងច្បាស់ថា៖ យើងខ្ញុំបានជំរុញដើម្បីឱ្យមានការត្រួតពិនិត្យនៅនឹងកន្លែងពេលដែលមូលដ្ឋានសាកល្បងគ្រឿងម៉ាស៊ីនរបស់កាំជ្រួចត្រូវបានរើរុះចោល ស្របទៅនឹងការសន្យារបស់លោកKim Jong-un។
នៅថ្ងៃដដែល គេហទំព័រ 38 North របស់អាមេរិកបានប្រកាសជាសាធារណៈនូវរូបភាពទាំងឡាយបង្ហាញឱ្យឃើញក្រុងព្យុងយ៉ាងហាក់ដូចជាក្រុងព្យុងយ៉ាងបានរុះរើអគារមួយនិងប្រព័ន្ធគាំទ្រការបាញ់បង្ហោះកាំជ្រួចនៅទីលានបង្ហោះកាំជ្រួចSohae ៕
សូយន
