បុរសជនជាតិចិនម្នាក់ ត្រូវបាន «បំបែក» ចេញពីប្រដាប់ភេទរបស់គាត់ បន្ទាប់ពីប្រពន្ធប្រច័ណ្ឌរបស់គាត់ បានសម្រេចចិត្តយកកន្ត្រៃកាត់ផ្តាច់វាចោល ។ បុរសជាប្តីរូបនេះមានឈ្មោះថា Li ពុំបានឃើញការវាយប្រហារពីប្រពន្ធជាទីស្រលាញ់របស់គាត់ទេ ។ នេះបើតាម KNews រាយការណ៍តាមរយៈ Shanghaiist ។
Li ត្រូវបានគេរាយការណ៍ថា បានអាក្រាតកាយ ខណៈពេលកំពុងដុសឆ្មេញនៅព្រឹកថ្ងៃអាទិត្យ នៅក្នុងបន្ទប់ទឹកនៃរបស់ពួកគេ នៅ Fengcheng, ខេត្ត Jiangxi និងនៅពេលនោះ ប្រពន្ធរបស់គាត់ស្រាប់តែចូលមក និងចាប់ផ្តើមកាត់ប្រដាប់ភេទរបស់គាត់តែម្តង ។
Li បានព្យាយាមឃាត់ឈាម ដោយគ្របនៅលើតំបន់រងរបួស មុនពេលត្រូវបានគេបញ្ជូនទៅសង្គ្រោះនៅមន្ទីរពេទ្យក្នុងតំបន់ ។
ខណៈដែលគ្រូពេទ្យរបស់ Li អាចតភ្ជាប់លិង្គរបស់គាត់វិញបាន តាមរយៈការវះកាត់ក៏ដោយ តែពួកគេបានព្រមានអំពីហានិភ័យមួយចំនួន ដែលអាចសះស្បើយឡើងវិញទាំងប្រឈមនឹងគ្រោះថ្នាក់ ។ យោងតាមគ្រូពេទ្យវះកាត់របស់គាត់ នោះការងើបរឹងភ្លាមៗ អាចធ្វើឲ្យមានគ្រោះថ្នាក់មួយចំនួន ព្រោះវាអាចរំខានដល់សរសៃឈាម ដែលត្រូវបានភ្ជាប់ឡើងវិញ ។
គ្រូពេទ្យក៏បានកត់សម្គាល់ថា សមត្ថភាពរបស់គាត់ ក្នុងការរួមភេទ បានរងផលប៉ះពាល់រួចស្រេចដោយមុខរបួសនេះ ទោះបីមុខរបួសនេះជាសះស្បើយទាំងស្រុងក៏ដោយ ។
បច្ចុប្បន្ន អាជ្ញាធរក្នុងតំបន់ កំពុងធ្វើការស៊ើបអង្កេតករណី ។
នៅក្នុងបទសម្ភាសន៍ លោក Li បានបង្ហើបឱ្យដឹងថា ការងារថ្មីរបស់គាត់បានធ្វើឱ្យប្រពន្ធរបស់គាត់មានការសង្ស័យ ចំពោះបណ្តាសកម្មភាពរបស់គាត់ ។ នាងត្រូវបានគេរាយការណ៍ថា បានទាមទារឱ្យគាត់ឈប់និយាយទូរស័ព្ទ ឬញញឹមដាក់ស្រី្តណាដែលគាត់បានជួបនៅកន្លែងធ្វើការ ។ យោងតាមលោក Li បានឱ្យដឹងថា ការសង្ស័យរបស់ប្រពន្ធគាត់បាននាំឱ្យកើតមានជម្លោះវាយតប់ជាច្រើនលើក ៕ ចន្ទី
