បុរសម្នាក់ ដែលត្រូវបានកាត់ទោសឲ្យជាប់គុកអស់មួយជីវិត ពីបទឃាតកម្មចំនួន ២លើក បានឈរឈ្មោះជាតំណាងព្រឹទ្ធិសភាអាមេរិច។
បុរសខាងលើមានឈ្មោះថា Leonard Richards វ័យ ៧៥ឆ្នាំ ត្រូវបានកាត់ទោសឲ្យជាប់គុកមួយជីវិត ពីបទសម្លាប់ប្អូនស្រីរបស់ខ្លួនឈ្មោះ May Wilson នៅក្នុងឆ្នាំ ១៩៨២ និងបាញ់សម្លាប់មេធាវីការពារក្តីខ្លួនឈ្មោះ Robert Stratton ក្នុងឆ្នាំ ១៩៨៧។
គាត់ត្រូវបានគេដាក់ឲ្យអនុវត្តនទោសនៅក្នុងពន្ធធនាគារ Stillwater ក្នុងរដ្ឋ Minnesota ដែលក្នុងរដ្ឋនេះ គេមានច្បាប់អនុញ្ញតិឲ្យអ្នកទោសឈរឈ្មោះបាន។
ចំនែកបងស្រីរបស់ លោក Robert Stratton ដែលត្រូវបានជនខាងលើបាញសម្លាប់ បានបញ្ជាក់ថា ការិល័យរបស់រដ្ឋមន្ត្រីការបរទេសក្នុងរដ្ឋ Minnesota មិនអាចរារាំងអ្នកទោស Leonard Richards បានឡើយ។
អ្នកស្រី បញ្ជាក់ថា អ្នកស្រីប្រាប់ដល់អ្នកបោះឆ្នោត ឲ្យស្វែងយល់ពីប្រវត្តរបស់លោក Leonard Richards និងមានបំណងស្នើដល់អ្នកនយោបាយឲ្យធ្វើការផ្លាស់ប្តូរគោលការ ដោយអះអាងថា ការបោះឆ្នោតឲ្យជនឧក្រិដ្ឋ សូម្បីតែមួយសន្លឹក គឺជាការបោះឆ្នោតច្រើនខ្លាំងណាស់។
ទោះយ៉ាងណា អ្នកប្រឹក្សាច្បាប់របស់ ការិយាល័យរដ្ឋមន្ត្រីនៃរដ្ឋ Minnesota បាននិយាយថា តុលាការបានកំណត់រួចហើយថា ភ្នាក់ងារទាំងអស់មិនអាចបញ្ឍប់អ្នកទោសមិនឲ្យឈរឈ្មោះ បានឡើយ៕ សុភ័ក្ត្រ