ទំនោរទន់ចុងក្រោយ ដែលបានកំពុងរាលដាលគឺសកម្មភាពប្រជែងរាំ Keke Challenge ដែលបានកំពុងផ្ទុះកក្រើកអ៊ីនធើរណេត កាលពីពីរបីសប្តាហ៍មុន ។ ការប្រកួតប្រជែងនេះ ត្រូវបានចាប់ផ្តើមធ្វើឡើងនៅលើ Instagram ដោយឌីជេអាមេរិកាំង Shiggy ។
ការប្រកួតនេះ គឺតម្រូវឲ្យមនុស្សម្នាក់នៅក្នុងកៅអីអ្នកដំណើរ លោតចេញពីរថយន្តកំពុងចលនា ខណៈពេលសកម្មភាពចាក់ក្បាច់រាំ ទៅតាមបទចម្រៀងរបស់ Drake «In My Fellings» ធ្វើឡើង ដោយត្រូវបានថតដោយអ្នកបើកបរ ។
ក្រៅពីមនុស្សធម្មតាៗ នោះក៏មានតារាល្បីដូចជា Will Smith និង Ciara បានធ្វើរឿងនេះផងដែរ ។
ខណៈពេលដែលមនុស្សបានកំពុងជ្រើសយកការប្រកួតប្រជែងនេះ ធ្វើជាល្បែងកម្សាន្តយល់ថាល្អ នោះប៉ូលីសចរាចរណ៍ម៉ាឡេស៊ី បានណែនាំដល់មនុស្សឈប់សម្តែងការប្រកួតនេះនៅលើដងផ្លូវសាធារណៈ ជាពិសេសមនុស្សក្មេងៗ ។ នេះបើតាមសេចក្តីរាយការណ៍របស់ NST ។
អនុប្រធានស៊ើបអង្កេតផ្នែកចរាចរណ៍ក្នុងទីក្រុង លោក Zulkefly Yahya ជឿថា វាពុំមែនជារឿងល្អប្រសើរសម្រាប់សុវត្ថិភាពនោះទេ ព្រោះថា ល្បែងនេះអាចបង្កឲ្យមានគ្រោះថ្នាក់ដល់អ្នកដទៃ នៅលើដងផ្លូវ ទោះបីពួកគេពុំទាន់ទទួលពាក្យបណ្តឹងណាមួយក៏ដោយ ៕ ឧត្តម