ខេត្តព្រះសីហនុ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កាលពីព្រឹកថ្ងៃទី២៥ ខែ កក្កដា ឆ្នាំ២០១៨នេះ បានដឹកនាំសហការី ធ្វើការងារមនុស្សធម៌ នាំយករទេះរុញជនពិការចំនួន៨គ្រឿង អង្ករ និង មីមួយចំនួន ទៅសួរសុខទុក្ខប្រជាពលរដ្ឋនិង ជួយឧបត្ថម្ភជនពិការចំនួន៨នាក់ រស់នៅសង្កាត់លេខ៣ ក្រុងព្រះសីហនុ។
ស្នងការដ្ឋាននគរបាលខេត្តព្រះសីហនុ បានឲ្យដឹងថា ជនពិការទាំង៨នាក់ មានលំនៅឋាន ដាច់ដោយឡែកៗពីគ្នា រស់នៅភូមិ៣ សង្កាត់លេខ៣ ក្រុងព្រះសីហនុ។ គាត់ជាមនុស្សចាស់មានជំងឺលើសឈាម ហើយពិការមិនអាចដើរបាន និងពលរដ្ឋចំនួន២នាក់ទៀត ពិការពីកំណើត។
ជនពិការទាំងនោះមានឈ្មោះ៖
១.ឈ្មោះជៀប មេសា ភេទស្រី អាយុ១២ឆ្នាំ ពិការពីកំណើត។
២.ឈ្មោះស៊ីវ វិន ភេទប្រុសអាយុ៣០ ពិការពីកំណើត។
៣.ឈ្មោះឃិន ឃន ភេទប្រុសអាយុ៦៧ឆ្នាំ ជំងឺលើសឈាម។
៤.ឈ្មោះ ស្រី ពាប់ ភេទស្រីអាយុ៩៦ឆ្នាំ ចាស់ជរា។
៥.ឈ្មោះ ចាន់ សុភាព ភេទប្រុស អាយុ៤៨ឆ្នាំ ជំងឺលើសឈាម។
៦.ឈ្មោះ អ៊ុក យ៉ុន ភេទស្រីអាយុ៧៥ ឆ្នាំចាស់ជរា។
៧.ឈ្មោះ ស៊ុន វុទ្ធី ភេទប្រុសអាយុ៥០ឆ្នាំ ជំងឺលើសឈាម។
៨.ឈ្មោះ ឡេង សាមឿន ភេទស្រីអាយុ៦៥ឆ្នាំ។
លោក ជួន ណារិន្ទ ស្នងការដ្ឋាននគរបាលខេត្តព្រះសីហនុ បានឲ្យដឹងថា ប្រជាពលរដ្ឋទាំងទាំង៨នាក់ ក្នុងម្នាក់ៗ ទទួលបានរទេះរុញ សម្រាប់ជនពិការ១គ្រឿង អង្ករ១បាវតូច និងមីចំនួន២កេះ ។
សូមរំលឹកថា កាលពីថ្ងៃទី២១ ខែកក្កដា ឆ្នាំ២០១៨ លោកស្នងការនគរបាលខេត្តព្រះសីហនុ ជួន ណារិន្ទ បានជួយឧបត្ថម រទេះរុញ អង្ករ និង មី ជូនជនពិការ រស់នៅសង្កាត់លេខ៣ ចំនួន៥នាក់ ម្តងរួចមកហើយមានឈ្មោះ៖
១.ឈ្មោះ សួន សំបូរ ភេទប្រុសអាយុ ៦២ឆ្នាំ
២.ឈ្មោះ អ៊ឹង គឹមអ៊ី ភេទស្រីអាយុ៦៥ឆ្នាំ
៣.ឈ្មោះ វី ហាក់ ភេទស្រីអាយុ៧០ឆ្នាំ
៤.ឈ្មោះ ឈិន ឆេន ភេទស្រីអាយុ៦៨ឆ្នាំ
៥.ឈ្មោះ កែវ សុខា ភេទស្រីអាយុ៦៦ឆ្នាំ។ ហើយជនពិការទាំងអស់ គឺពួកគាត់ មានជំងឺប្រចាំកាយ និងចាស់ជរា មិនអាចដើរបានដូចៗគ្នា។
សរុបទាំងពីរលើក លោកឧត្តមសេនីយ៍ស្នងការ បានឧបត្ថម្ភរទេះរុញជូនជនពិការ រស់នៅសង្កាត់លេខ៣ បានចំនួន១៣ នាក់។
ប្រជាពលរដ្ឋ ដែលជាជនពិការ និងក្រុមគ្រួសារ របស់ពួកគាត់ បង្ហាញអារម្មណ៍រំភើបរីករាយ និងថ្លែងអំណរគុណ ដល់លោកឧត្តមសេនីយ៍ស្នងការ និងសហការី ដែលបានជួយឧបត្ថម្ភរទេះ និងផ្តល់ជូនគ្រឿងឧបភោគបរិភោគជូនពួកគាត់នៅពេលនេះ។
នាឱកាសនោះដែរ លោក ជួន ណារិន្ទ ក៏បាននាំគ្រូពេទ្យ របស់ស្នងការដ្ឋាននគរបាលខេត្តព្រះសីហនុ ចំនួន២នាក់ ចុះសួរសុខទុក្ខ ចែកថ្នាំពេទ្យ ជូនប្រជាពលរដ្ឋ ដែលមានជំងឺស្រាលៗផងដែរ៕ ដែនសីមា
