ខេត្តព្រះសីហនុ៖ កាលពីព្រឹកថ្ងៃពុធ ១៣កើតខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែកក្កដា ឆ្នាំ២០១៨ ឯកឧត្ដម យន្ត មីន អភិបាលខេត្តព្រះសីហនុ បានដឹកនាំមន្ត្រីរាជការនិងកងកម្លាំងប្រដាប់អាវុធ បានអញ្ជើញចុះពិនិត្យមើលស្ថានភាពការងារបង្កបង្កើនផល របស់ប្រជាពលរដ្ឋក្រោយជំនន់ទឹកភ្លៀង និងបានជួយស្ទូងស្រូវ ប្រជាពលរដ្ឋ នៅភូមិវាល និង ភូមិថ្មី ឃុំកំពង់សិលា ស្រុកកំពង់សិលា ខេត្តព្រះសីហនុ។
ព្រមជាមួយគ្នានេះ ឯកឧត្តមអភិបាលខេត្តក៏ពិនិត្យដោះស្រាយ និងឧបត្ថម្ភជាពូជស្រូវជូនប្រជាពលរដ្ឋ នៅតំបន់នោះ ដែលទទួលរងនូវការខូចខាតកន្លងមកដោយសារគ្រោះទឹកជំនន់ផងដែរ៕ ដែនសីមា